استانادا قىزىلشا اۋرۋى ءورشىپ كەتتى

اسىرەسە، ەرەسەكتەر اراسىندا.

ال 2 جاسقا دەيىنگى بالالار اراسىندا قىزىلشاعا شالدىعۋ كورسەتكىشى تومەندەپ كەلەدى، دەپ حابارلايدى Almaty-akshamy.kz

استانانىڭ باس سانيتارلىق دارىگەرى سارحات بەيسەنوۆا قىزىلشا اۋرۋىنا قاتىستى سوڭعى مالىمەتتى جاريالادى.

رەسمي مالىمەتكە سايكەس، جىل باسىنان بەرى ەلوردادا قىزىلشانىڭ 1890 باستاپقى جانە 532 راستالعان جاعدايى تىركەلدى، سونىڭ ىشىندە 14 جاسقا دەيىنگى 381 بالا بار. ال 2 جاسقا دەيىنگى بالالار اراسىندا قىزىلشاعا شالدىعۋ كورسەتكىشى تومەندەپ كەلەدى. اتاپ ايتقاندا، 1 جاسقا دەيىنگى بالالار اراسىندا 15 پروسەنتكە (692،7-دەن 589،4-كە)، ءبىر جاستاعى بالالار اراسىندا 8،5 پروسەنتكە (880،2-دەن 805،3-كە)، ال 2 جاستاعى بالالار اراسىندا 21،3 پروسەنتكە (701،6-دان 551،9-عا) ازايدى.

"كورسەتىلگەن جاستاعى سىرقاتتاردىڭ ازايۋى – بۇل قوسىمشا جاپپاي يممۋنداۋدىڭ ناتيجەسى. الايدا ەرەسەكتەر اراسىندا سىرقاتتانۋ كورسەتكىشى ءوستى، ناۋقاستار 25،2-دەن 40،2-گە دەيىن نەمەسە 37،3%-عا ارتتى"، - دەدى بەيسەنوۆا.

ونىڭ ايتۋىنشا، قالادا ينفەكسيانى كوبىنەسە قىزىلشاعا قارسى ەكپە الماعان ادامدار تاراتادى. بۇگىندە اۋىرىپ قالعانداردىڭ 68 پروسەنتى وسى ساناتقا جاتادى.