بۇل تۋرالى عالىمداردىڭ سوڭعى زەرتتەۋلەرىنە سىلتەمە جاساي وتىرىپ، شەتەلدىك باسىلىمدار جازۋدا.
عالىمدار ونكولوگيالىق اۋرۋلارمەن كۇرەسۋدىڭ جاڭا جولى – جۇيكە جۇيەسى ارقىلى ەكەنىن العا تارتىپ وتىر.
ولار قاتەرلى ىسىك جاسۋشالارى دانەكەر تىندەردى، قان تامىرلارىن جانە ءتىپتى جۇيكە جۇيەسىن باعىندىرا الاتىنىن ءتۇسىندى. 1990 جىلداردىڭ اياعىندا جۇرگىزىلگەن تاجىريبەلەر نەيرونداردىڭ ىسىكتەردىڭ ءوسۋى مەن دامۋىندا بەلسەندى ءرول اتقاراتىنىن دالەلدەدى.
بەلگىلى بولعانداي، نەيروندار نەيريتتەردى راك كلەتكالارىنا «تاستايدى»، بۇل ءوز كەزەگىندە ساۋ جاسۋشالارعا ارنالعان كوپىرگە اينالادى.
2013 جىلى اقش-تا جۇرگىزىلگەن ەكسپەريمەنت بارىسىندا عالىمدار ناۋقاستىڭ جۇيكە تالشىقتارىن كەسىپ، وسىلايشا قاتەرلى ىسىكتىڭ تارالۋىن توقتاتتى. بۇل اسقازان، باۋىر جانە تەرى قاتەرلى ىسىگىنە دە اسەر ەتەدى.
«قاتەرلى ىسىك كلەتكالارىنىڭ دەنەنىڭ بارلىق رەسۋرستارىن، سونىڭ ىشىندە جۇيكە جۇيەسىن تارتۋ قابىلەتى شىنىمەن تاڭ قالدىرادى»، – دەلىنگەن باسىلىمدا.
الايدا عالىمدار ءۇشىن بۇل ءالسىز جەردى تابۋ مۇمكىندىگى ەكەندىگى ناقتىلاندى. قاتەرلى ىسىك نەيروتەراپياسى حيميوتەراپيا، حيرۋرگيا، يممۋنوتەراپياعا قوسىمشا جاڭا ەمدەۋ ءادىسى بولۋى مۇمكىن.