قاراعاندىدا Range Rover ماركالى كولىك قاتىسقان جول-كولىك وقيعاسى بولدى. اۆتوموبيل باعدارشامنىڭ تىرەگىنە سوعىلىپ، جۇرگىزۋشى وقيعا ورنىندا قازا تاپتى، - دەپ حابارلايدى aqshamnews.kz ءتىلشىسى.
قاراعاندى وبلىستىق پوليسيا دەپارتامەنتىنىڭ مالىمەتىنشە، جول اپاتى 2 قاراشادا ساعات 00:20 شاماسىندا كرىلوۆ پەن سەيفۋللين كوشەلەرىنىڭ قيىلىسىندا بولعان.
الدىن الا بولجام بويىنشا، 50 جاستاعى جۇرگىزۋشى كولىكتى باسقارا الماي، باعدارشام تىرەگىنە سوعىلعان.
"قاتتى سوققىدان جۇرگىزۋشى اۋىر جاراقات الىپ، وقيعا ورنىندا كوز جۇمدى. كولىكتە وزىنەن باسقا ەشكىم بولماعان"، – دەپ حابارلادى پوليسيا دەپارتامەنتىنىڭ باسپا ءسوز قىزمەتى.
karaganda.city پاراقشاسىندا جول اپاتى ورنىنان تۇسىرىلگەن ۆيدەو جاريالاندى. كادرلاردا كولىكتىڭ قاتتى بۇلىنگەنى جانە ونىڭ بولشەكتەرى جول بويىنا شاشىلىپ جاتقانى كورىنەدى.
قاراعاندى وبلىسىنىڭ پوليسيا دەپارتامەنتى جول-كولىك وقيعاسى بويىنشا قىلمىستىق ءىس قوزعاعانىن حابارلادى.
ءقازىر اپاتتىڭ ءمان-جايى انىقتالىپ جاتىر.