قازان ايىنىڭ ءۇشىنشى ونكۇندىگىندە قاراعاندىدا ەرلەر مەن ايەلدەر اراسىندا بليس جانە راپيدتەن قازاقستان رەسپۋبليكاسىنىڭ چەمپيوناتى وتەدى، دەپ حابارلايدى aqshamnews.kz.
كوماندالىق تۋرنير 2024 جىلدىڭ 22-26 قازانىندا وتەدى. قاتىسۋعا قازاقستاننىڭ وبلىستارىنان جانە رەسپۋبليكالىق ماڭىزى بار قالالاردان كوماندالار شاقىرىلادى.
كوماندا قۇرامىندا 3 ەر جانە 1 ايەل بولۋى كەرەك (رەزەرۆسىز).
10-عا دەيىن كوماندا قاتىسسا، جارىس اينالىمدىق جۇيە بويىنشا وتەدى. 10 كوماندادان كوپ بولسا – شۆەيساريالىق جۇيە بويىنشا 9 تۋر بولادى.
جەكە تۋرنير 2024 جىلدىڭ 26-28 قازانىندا وتەدى. جارىسقا جىلدام شاحماتتان ق ر كوماندالىق چەمپيوناتىنىڭ قاتىسۋشىلارى، حالىقارالىق دارەجەدەگى شاحماتشىلار، رەيتينگى 2000 جانە ودان جوعارى ەرلەر، 1 800 جانە ودان جوعارى رەيتينگى بار ايەلدەر شاقىرىلادى.
ۋاقىتتى باقىلاۋ:
راپيد بويىنشا ءار جۇرىسكە 10 مينۋت + 5 سەكۋند.
بليس: ءار جۇرىسكە 3 مينۋت + 2 سەكۋند بەرىلەدى.
جەكە تۋرنير شۆەيساريالىق جۇيە بويىنشا 9 تۋر بولادى.
چەمپيوناتتىڭ جۇلدە قورى 5 000 000 تەڭگەنى قۇرايدى.