الماتىدا 150-دەن استام جۇك كولىگىنىڭ جۇرگىزۋشىلەرى قوعامدىق ورىنداردى لاستاعانى ءۇشىن جاۋاپقا تارتىلدى، – دەپ حابارلايدى aqshamnews.kz.
وتكەن كۇنى پوليسيا قىزمەتكەرلەرى ولاردىڭ ۇشەۋىن عانا قالانىڭ ءار جەرىندە انىقتادى. بىرنەشە قۇرىلىس نىساندارىنىڭ ماڭايىندا قالا جولدارىنداعى جول بولىگىنىڭ لاستانۋ دەرەگى بەلگىلى بولدى. 150-دەن استام جۇك كولىگىنىڭ جۇرگىزۋشىلەرى قوعامدىق ورىنداردى لاستاعانى ءۇشىن جاۋاپقا تارتىلدى.
– ادەتتە، كولىكتەردىڭ دوڭعالاقتارىنداعى قوقىس جول بويىنا شاشىلىپ جاتادى. جۇرگىزۋشىلەر قۇقىق بۇزۋشىلىقتىڭ سالدارىن دەرەۋ جويۋ شارالارىن ۇنەمى قولدانا بەرمەيدى. بۇل جاعدايدا پوليسيا قىزمەتكەرلەرى ق ر اقبتك-نىڭ 603-بابىنىڭ 1-بولىگىمەن جانە ق ر اقبتك-نىڭ 505-بابىمەن حاتتاما تولتىرادى. ءبىز الەۋمەتتىك جەلىلەردەگى بەلسەندى مونيتورينگ كەزىندە مۇنداي دەرەكتەردى ءبىلىپ جاتامىز. قالالىق پوليسەيلەر جول قاۋىپسىزدىگىن قامتاماسىز ەتۋ، سونداي-اق قالاداعى ەكولوگيالىق جاعدايدى جاقسارتۋ ماقساتىندا جۇك تاسيتىن كولىكتەردىڭ جول قوزعالىسى ەرەجەلەرىن ساقتاۋىن ۇنەمى تەكسەرەتىنىن اتاپ وتكىم كەلەدى. قۇرىلىس الاڭىنان شىعاتىن جەردى ستاسيونارلىق جۋعىشپەن جابدىقتاۋ، كىرەبەرىس جولداردى ۇيىمداستىرۋ، بەتوندى توسەۋ، لايدى شىعارۋدى بولدىرماۋ ءۇشىن تىكەلەي شىعا بەرىستە ءبوپ ورناتۋ بويىنشا “جول قوزعالىسى تۋرالى” قازاقستان رەسپۋبليكاسى زاڭىنىڭ تالاپتارىن ەسكەرمەۋگە جول بەرمەيمىز، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.