جاڭا وبلىستاردىڭ كولىك نومىرلەرىنىڭ يندەكستەرى قانداي بولماق؟

بۇل تۋرالى ورتالىق كوممۋنيكاسيالار قىزمەتىندە وتكەن باسپا ءسوز ءماسليحاتىندا ۇلتتىق ەكونوميكا ءمينيسترى الىبەك قۋانتىروۆ ايتتى.

سونىمەن، اباي وبلىسىنىڭ جۇرگىزۋشىلەرى – 18، جەتىسۋ ءوڭىرى – 19، ۇلىتاۋ ءوڭىرى  - 20 ساندى ايماقتىڭ نومىرلەرىمەن ءجۇرۋى مۇمكىن، دەپ حابارلايدى Almaty-akshamy.kz.

8 ماۋسىمدا اباي، جەتىسۋ جانە ۇلىتاۋ وبلىستارىن قۇرۋ تۋرالى قاۋلى كۇشىنە ەندى. سەمەي – اباي ءوڭىرىنىڭ ورتالىعى، تالدىقورعان – جەتىسۋ وبلىسىنىڭ ورتالىعى، جەزقازعان – ۇلىتاۋ وبلىسىنىڭ ورتالىعى بولدى.

الىبەك قۋانتىروۆ اۆتوكولىكتەرگە سيفرلىق كودتاردى بەرۋ بويىنشا سوڭعى شەشىمدى ىشكى ىستەر مينيسترلىگى قابىلدايتىنىن اتاپ ءوتتى.

«بۇل 18، 19، 20 دەگەن ساندار بولۋى مۇمكىن»، – دەدى مينيستر.

ەلىمىزدەگى كولىك نومىرلەرىنىڭ يندەكستەرى تومەندەگىدەي:
نۇر-سۇلتان – 01، الماتى – 02، اقمولا وبلىسى – 03، اقتوبە وبلىسى – 04، الماتى وبلىسى – 05، اتىراۋ وبلىسى – 06، باتىس قازاقستان وبلىسى – 07، جامبىل وبلىسى – 08، قاراعاندى ​​وبلىسى – 09، قوستاناي وبلىسى – 10، قىزىلوردا وبلىسى – 11، ماڭعىستاۋ وبلىسى – 12، تۇركىستان وبلىسى – 13، پاۆلودار وبلىسى – 14، سولتۇستىك قازاقستان وبلىسى –  15، شىعىس قازاقستان وبلىسى – 16، شىمكەنت – 17.