قاراعاندى وبلىسىنا قىتايلىق «Vero Cell» ۆاكسيناسىنىڭ 40 مىڭ دوزاسى كەلىپ ءتۇستى، دەپ حابارلايدى almaty-akshamy.kz «حابار 24». سىلتەمە جاساپ.
بۇل كولەم 20 مىڭ تۇرعىندى يممۋنداۋ ءۇشىن جەتكىلىكتى. ۆاكسينا ەكى كومپونەنتتەن تۇرادى. قوس بولىكتى ەگۋ اراسى كەمى 21 تاۋلىك بولۋى ءتيىس. اتالعان ۆاكسينا ەمحانادا قوسىمشا اۋرۋلارىمەن ەسەپتە تۇرعان زەينەتكەرلەرگە سالىنادى. سەبەبى ينياكتيۆتى ەكپە بارىنشا جەڭىل وتەدى. ياعني وندا اۋرۋدى تۋدىرۋى مۇمكىن ۆيرۋستىڭ ءبىر بولىگى جويىلادى، ناتيجەسىندە ونىڭ انتيدەنە تۋدىراتىن قابىلەتى ساقتالادى.
ايتا كەتۋ كەرەك، «Vero Cell پرەپاراتىن دۇنيەجۇزىلىك دەنساۋلىق ساقتاۋ ۇيىمى ماقۇلداعان. قاراعاندى وبلىسىندا ەكپەنىڭ ەكى كومپونەنتىن قابىلداعاندار سانى 340 مىڭنان استى.