الماتىدا «مەكتەپكە جول» اكسياسى اياسىندا Nur Otan پارتياسىنىڭ الماتى قالالىق فيليالى قايىرىمدىلىق كورسەتۋدى باستادى
«بۇل اكسيا 2008 جىلدان باستاپ ەلىمىزدىڭ بارلىق وڭىرلەرىندە جىل سايىن وتكىزىلىپ كەلەدى، ونىڭ باستماشىسى ەلباسى، پارتيا كوشباسشىسى نۇرسۇلتان نازاربايەۆ بولدى. بيىلعى جىل ءبىز ءۇشىن دە وڭاي بولمادى، سوندىقتان تا الەۋمەتتىك وسال ساناتتاعى الماتىلىق وقۋشىلارعا قوعام جانە پارتيا بەلسەندىلەرى مەن مەسەناتتاردى تارتا وتىرىپ جاردەم جاسالماق. بۇل اكسيا ەلىمىزدىڭ تاۋەلسىزدىگىنىڭ 30 جىلدىعى اياسىندا وتەدى جانە مەكتەپ وقۋشىلارىن پاتريوتتىق تاربيەلەۋدىڭ ءبىر بولىگى»، - دەدى پارتيانىڭ الماتى قالالىق فيليالى ءتوراعاسىنىڭ ءبىرىنشى ورىنباسارى قايرات بيسەمبايەۆ.
بيىل قايىرىمدىلىق اكسياسى Nur Otan پارتياسىنىڭ بەلسەندىلەرى مەن قالالىق ءماسليحات دەپۋتاتتارىنىڭ قولداۋىمەن وتەدى. پارتيانىڭ قالالىق فيليالى مەكتەپكە قاجەتتى قۇرالمەن جابدىقتالعان 3000-عا جۋىق سومكە الماتىلىق وقۋشىلارعا تابىستايدى.
وسى ورايدا مەسەنات، قالانىڭ بەلسەندى تۇرعىنى، ءماسليحات دەپۋتاتى ەربولات قاسىموۆ 100-دەن استام وتباسىعا مەكتەپ قۇرالدارىن، وتاندىق ءوندىرۋشىنىڭ مەكتەپ فورماسىن ساتىپ الۋعا سەرتيفيكات بەرۋ تۋرالى شەشىم قابىلدادى.
جاڭا وقۋ جىلىنا ارنالعان سىيلىقتار تۇرعىندارعا سانيتارلىق ەرەجەلەردى ساقتاي وتىرىپ، بىرتىندەپ بەرىلەدى.