ەكى ءورت وشاعى باقىلاۋدا
قاراعاندى وبلىسىندا 40 گەكتار ورمان جانىپ كەتتى، دەپ حابارلايدى Almaty-akshamy.kz وڭىرلىك تجد باسپا ءسوز قىزمەتىنە سىلتەمە جاساپ.
«قاراعاندىنىڭ ورماندى ايماقتارىندا 2 ءورت وشاعى باقىلاۋدا. جاڭارتىلعان مالىمەتتەرگە سايكەس، ءتىلسىز جاۋ 70 گەكتار جەردى شارپىعان، ونىڭ 40 گەكتارى ورمان. ورتتەن 6 ساياجاي (1 جۇمىس ىستەمەيدى)، 7 ساياجاي اۋماعىنداعى 15 شارۋاشىلىق عيمارات جاپا شەكتى. ساياجايدان 5 ادام قۇتقارىلدى، 25 ادام ءقاۋىپسىز جەرگە كوشىرىلدى» دەلىنگەن حابارلامادا.
قازىرگى كەزدە ورماندى جەرلەردەگى ءورت اۋىزدىقتالدى، ساياجاي اۋلالارىنداعى ءورت جانە تۇتانعان وشاقتار سوندىرىلۋدە. ءورتتى جويۋعا تجد، 52859 اسكەري ءبولىمىنىڭ، جەرگىلىكتى پوليسيا قىزمەتىنىڭ، ورمان شارۋاشىلىعىنىڭ، قازاۆياقۇتقارۋ كۇشتەرى: بارلىعى 289 ادام، 68 بىرلىك تەحنيكا جۇمىلدىرىلدى.