4 مىڭعا جۋىق ادام باعدارلاما تالاپقا ساي ەمەس
«الماتى جاستارى» باعدارلاماسىنا تاپسىرعان 9 مىڭ 500-دەن استام ازاماتتىڭ ءوتىنىشى قابىلدانباعان، دەپ حابارلايدى Almaty-akshamy.kz Almaty.tv-گە سىلتەمە جاساپ.
وعان باستى سەبەپ قاتىسۋشىلار قۇجات جيناۋ كەزىندە سالعىرتتىق تانىتىپ، قاتەلەسكەن دەيدى كوممۋنالدىق ينفراقۇرىلىمدى دامىتۋ باسقارماسىنىڭ وكىلدەرى. ولاردىڭ ايتۋىنشا، كوپشىلىگى جىلجىمايتىن مۇلىكتىڭ بار-جوعى تۋرالى انىقتامادا جالپى قازاقستاندى ەمەس، الماتىنى كورسەتكەن. ال 0 بالمەن جولداما العاندار وزدەرىنە باسەكەلەس بولماعاندىقتان ءوتىپ كەتكەن دەيدى.
«4 مىڭعا جۋىق ادام باعدارلاما تالاپتارىنا مۇلدەم سايكەس كەلمەيدى. ونىڭ ىشىندە 65 ادام قازاقستان بويىنشا مەنشىكتى جىلجىمايتىن مۇلىگى بار. 123 وتىنىشتە سوڭعى 5 جىل ىشىندە مۇلكى بولعان، ءبىراق ول مۇلىكتى يەلىگىنەن شىعارعان»، – دەدى كوممۋنالدىق ينفراقۇرىلىمدى دامىتۋ باسقارماسىنىڭ ءبولىم باسشىسى عالىمجان ابدىشۇكىر ۇلى.