نايزاعاي، بۇرشاق، جەلدىڭ كۇشەيۋى
قازگيدرومەت 5 شىلدەدە بولاتىن ەرەكشە مەتەورولوگيالىق قۇبىلىستارعا بولجاۋ كونسۋلتاسياسىن جاريالادى، دەپ حابارلايدى Almaty-akshamy.kz.
بەلسەندى وڭتۇستىك سيكلونى جانە ونىمەن بايلانىسقان اتموسفەرالىق فرونتالدى بولىكتەر قازاقستان تەرريتورياسىنىڭ باسىم بولىگىنە ىقپالىن ساقتايتىن بولادى – جاڭبىر، سولتۇستىكتە، سولتۇستىك-باتىستا، كۇندىز وڭتۇستىك-باتىستا، وڭتۇستىك-شىعىستا جانە شىعىستا قاتتى جاڭبىر جاۋادى، نايزاعاي، بۇرشاق، جەلدىڭ كۇشەيۋى، داۋىل، سولتۇستىكتە، وڭتۇستىكتە شاڭدى داۋىل كۇتىلەدى. اقمولا وبلىسىنىڭ باتىسى مەن سولتۇستىگىندە، اقتوبە وبلىسىنىڭ سولتۇستىگىندە، سولتۇستىك قازاقستان وبلىسىنىڭ شىعىسىندا، كۇندىز پاۆلودار وبلىسىنىڭ وڭتۇستىگى، شىعىسىندا، شىعىس قازاقستان وبلىسىنڭ سولتۇستىك-شىعىسىندا، ماڭعىستاۋ وبلىسىنىڭ سولتۇستىگىندە، جامبىل وبلىسىنىڭ شىعىسىندا، تاۋلى اۋداندارىندا قاتتى جاڭبىر جاۋادى. قىزىلوردا، اباي وبلىستارىنىڭ باسىم بولىگىندە، تۇركىستان وبلىسىنىڭ سولتۇستىگىندە، ءشولدى اۋداندارىندا، ۇلىتاۋ وبلىسىنىڭ وڭتۇستىك-باتىسىندا، قاراعاندى وبلىسىنىڭ وڭتۇستىك-شىعىسىندا، جامبىل وبلىسىنىڭ وڭتۇستىگىندە توتەنشە ءورت ءقاۋپى ساقتالادى. نۇر-سۇلتان قالاسىندا: كوشپەلى بۇلتتى، كەي ۋاقىتتاردا جاڭبىر جاۋادى، نايزاعاي، شاڭدى داۋىل، كۇندىز بۇرشاق كۇتىلەدى. سولتۇستىك-باتىستان جەل سوعادى 9-14، ەكپىنى 15-20 م/س. اۋانىڭ تەمپەراتۋراسى تۇندە 13-15، كۇندىز 18-20 گرادۋس جىلى بولادى. الماتى قالاسىندا: كوشپەلى بۇلتتى، كۇندىز جاڭبىر جاۋادى، نايزاعاي كۇتىلەدى. جەل 2-7، نايزاعاي كەزىندە ەكپىنى 13 م/س. اۋانىڭ تەمپەراتۋراسى تۇندە 20-22، كۇندىز 26-28 گرادۋس جىلى بولادى. شىمكەنت قالاسىندا: كوشپەلى بۇلتتى، تۇندە جانە تاڭەرتەڭ وتكىنشى جاڭبىر جاۋادى، نايزاعاي، داۋىل كۇتىلەدى. باتىستان جەل سوعادى، كۇشى 8-13، ەكپىنى 15-20 م/س. اۋانىڭ تەمپەراتۋراسى تۇندە 16-18، كۇندىز 29-31 گرادۋس جىلى بولادى.