الايدا اپەللياسيا القاسى سانكسيانى وزگەرىسسىز قالدىردى
قاراعاندىدا 30 مەتر بيىكتىكتەن سەكىرىپ، مەرت بولعان 33 جاستاعى ايەلدىڭ ولىمىنە كىنالى دەپ ايىپتالىپ وتىرعان اتتراكسيون نۇسقاۋشىسى اپپەلياسياعا ءوتىنىش بەردى. ول تەرگەۋ اياقتالعانعا دەيىن بۇلتارتپاۋ شاراسىن ءۇي قاماعىنا اۋىستىرۋدى ءوتىندى. الايدا اپەللياسيا القاسى سانكسيانى وزگەرىسسىز قالدىردى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
قاراعاندىدا ايەل ولىمىنە اكەپ سوققان روۋد-دجامپينگ اتتراكسيونىنىڭ 32 جاستاعى نۇسقاۋشىسىنا تەرگەۋ كەزىندە «قاماۋدا ۇستاۋ» سانكسياسى بەكىتىلگەن بولاتىن.
ايىپتالۋشى سوت القاسىنان اتالمىش شەشىمدى قايتا قاراپ، ءۇي قاماعىنا نەمەسە ەشقايدا كەتپەۋ تۋرالى قولحات الۋ رەتىندە جەڭىلدەتۋدى سۇرادى.
الايدا اپەللياسيا القاسى سانكسيانى وزگەرىسسىز قالدىردى.
«قاراعاندى تەرگەۋ سوتىنىڭ «قاماۋدا ۇستاۋ» بۇلتارتپاۋ شاراسىن تاڭداۋ تۋرالى قاۋلىسى وزگەرىسسىز قالدى. اپەللياسيالىق شاعىم قاناعاتتاندىرىلمايدى»، – دەپ مالىمدەدى وبلىستىق سوت.
ۇستالعان ازامات تەرگەۋ اياقتالعانعا دەيىن تەرگەۋ يزولياتورىندا بولادى. ءىس قىلمىستىق كودەكستىڭ 306-بابى «ادام ولىمىنە اكەپ سوققان، قاۋىپسىزدىك تالاپتارىنا ساي كەلمەيتىن قىزمەتتەر كورسەتۋ» بويىنشا تەرگەلەدى.
سوت-مەديسينالىق ساراپتاما، سوت-ناركولوگيالىق، سوت-پسيحياتريالىق ساراپتاما تاعايىندالدى.
ەستەرىڭىزگە سالا كەتەيىك، 10 قازاندا 33 جاستاعى ايەل «سوزۆەزديە» قوناق ءۇيىنىڭ توبەسىنەن سەكىرىپ، جەردەگى بەتون قۇرىلىسقا سوعىلعان بولاتىن. ايەل العان جاراقاتتارىنان كوز جۇمدى. ءبىر كۇننەن كەيىن تەرگەۋشى نۇسقاۋشىنى قاماۋعا الدى، سەبەبى قوناق ءۇيدىڭ سىرتقى بەينەكامەراسىنىڭ كادرلارىندا اتتراكسيوننىڭ بەلبەۋى دۇرىس بەكىتىلمەگەنى بايقالدى.
13 قازاندا سوت كۇدىكتىگە «قاماۋدا ۇستاۋ» سانكسياسىن قولدانۋ تۋرالى شەشىم قابىلدادى.