اتىراۋ وبلىسىندا اتىس: ءبىر ادام كوز جۇمدى

بولجام بويىنشا، وقيعا اۋىل تۇرعىندارى اراسىنداعى كەلىسپەۋشىلىكتەن بولعان

اتىراۋ وبلىسىندا تاسجولدا اتىس بولىپ، ءبىر ادام قازا تاپتى، دەپ حابارلايدى Almaty-akshamy.kz Tengrinews.kz-كە سىلتەمە جاساپ. 

«اق جايىق» باسىلىمىنىڭ مالىمەتىنشە، 30 قازاندا ساعات شامامەن 19:30-دا اتىراۋ-اقتوبە تاسجولىنىڭ 331-شاقىرىمىندا قىزىلقوعا اۋدانى ساعىز اۋىلىنىڭ ماڭىندا اۋىلداستار اراسىندا اتىس بولىپ، التى ەر ادام جاراقات الدى، ونىڭ بەسەۋىنە وق تيگەن.

جەرگىلىكتى باسىلىمنىڭ مالىمەتىنشە، اۋىلدىڭ ءار بولىگىندە تۇراتىن ەر ادامدار اراسىندا جانجال شىققان.

«زارداپ شەككەندەر ساعىز اۋىلدىق دارىگەرلىك امبۋلاتورياسىنا جەتكىزىلدى. وقيعا ورنىندا جەدەل-تەرگەۋ توبى جۇمىس ىستەپ جاتىر. قىلمىستىق كودەكستىڭ 24-99-بابى بويىنشا سوتالدى تەرگەۋ باستالدى»، – دەپ حابارلادى اتىراۋ وبلىسى پوليسيا دەپارتامەنتىنىڭ باسپا ءسوز قىزمەتى وكىلى.

سونداي-اق، پوليسەيلەر بەس ادام وق-دارىدەن جارالانعانىن، ءبىر ادامنىڭ قولى سىنعانىن حابارلادى. 1985 جىلعى ەر ادام ساعىز اۋىلىنداعى امبۋلاتوريالىق اۋرۋحانادا قايتىس بولدى.

«بولجام بويىنشا، وقيعا اۋىل تۇرعىندارى اراسىنداعى كەلىسپەۋشىلىكتەن بولعان»، – دەدى ۆەدومستۆوداعىلار.

ق ر قىلمىستىق كودەكسىنىڭ 99-بابى 2-بولىگى («ادام ءولتىرۋ») بويىنشا سوتقا دەيىنگى تەرگەۋ ءجۇرىپ جاتىر.