پروكۋراتۋرا قوناق ۇيدە تەرگەۋدى باستادى
قىزىل تەڭىزدەگى حۋرگادا كۋرورتتىق قالاسىنىڭ ءتورت جۇلدىزدى قوناق ۇيىندە ۋلانعان رەسەيلىكتەردىڭ سانى 40 ادامعا جەتتى. پروكۋراتۋرانىڭ وكىمىمەن ءقوناقۇي سانيتارلىق قاۋىپسىزدىك نورمالارىن بۇزعانى ءۇشىن بەلگىسىز مەرزىمگە جابىلدى، بارلىق تۋريست باسقا قوناق ۇيلەرگە ورنالاستىرىلدى، دەپ حابارلايدى Almaty-akshamy.kz قازاقپارات اگەنتتىگىنە سىلتەمە جاساپ.
تاسس اگەنتتىگىنىڭ مالىمەتىنشە، جەكسەنبى كۇنى مىسىردىڭ تۋريستىك پالاتالار فەدەراسياسى تۋريستەردىڭ ۋلانىپ قالعانىن ءمالىم ەتكەن.
«اۋرۋحاناعا 40 ادام جۇگىندى، قازىرگى ۋاقىتتا تورتەۋى اۋرۋحانادان شىقتى، 36 ادام ەم قابىلداۋدا»، - دەدى فەدەراسيا وكىلى.
ول بارلىق ناۋقاستىڭ جاعدايى ءبىرقالىپتى، تۇراقتى ەكەنىن، ومىرىنە ەش ءقاۋىپ جوق ەكەنىن اتاپ ءوتتى. دارىگەرلەر ولاردى دۇيسەنبى كۇنى شىعارادى.
رەسەي فەدەراسياسىنىڭ حۋرگاداداعى باس كونسۋلى ۆيكتور ۆوروپايەۆ جەكسەنبىدە تاسس-قا جەرگىلىكتى سانيتارلىق بيلىك وكىلدەرى حۋرگادادا ورنالاسقان AMC Royal hotel ءقوناقۇيىن 48 ساعاتقا جابۋ تۋرالى شەشىم قابىلداعانىن ايتتى.
ايتا كەتەيىك، اتالعان ءقوناقۇيدىڭ قوناقتارى ۋلانىپ اۋرۋحاناعا تۇسكەن.
«تۋريستەردى باسقا قوناق ۇيلەرگە ورنالاستىرادى. باس كونسۋلدىق جاعدايدى قاداعالاپ وتىر»، - دەدى ول. ديپلوماتتار قوناقۇيدە تەك رەسەيلىكتەر عانا ۋلانعان با، جوق پا، سونى انىقتايدى.
الايدا، كەيىنىرەك پروكۋراتۋرانىڭ وكىمىمەن ءقوناقۇي سانيتارلىق قاۋىپسىزدىك نورمالارىن بۇزعانى ءۇشىن بەلگىسىز مەرزىمگە جابىلعانى بەلگىلى بولدى جانە جاقىن ارادا اشىلۋى ەكىتالاي.
«پروكۋراتۋرا AMC Royal hotel قوناق ۇيىندە تەرگەۋدى باستادى، ول «ات-تايارين» ءقوناقۇيى رەتىندە دە بەلگىلى. ازىق-تۇلىك، سۋسىندار مەن كورسەتىلەتىن قىزمەتتەرگە قاتىستى سانيتارلىق قاۋىپسىزدىك تالاپتارىن ساقتاماعانى ءۇشىن قوناقۇيگە ءىرى كولەمدەگى قارجىلىق ايىپپۇلدار عانا ەمەس، ليسەنزيانى قايتارىپ الىپ، تولىق جابىلۋ ءقاۋپى ءتونىپ تۇر»، - دەپ ءتۇسىندىردى تۋريستىك پالاتالار فەدەراسياسى.