الماتى پوليسياسى ەكى دوڭگەلەكتى كولىكتى ۇرلىقتان قالاي ساقتاۋ كەرەكتىگىن ايتتى

بيىلعى جىلى بوتەننىڭ مۇلكىن ۇرلاۋمەن كۇرەستىڭ وزەكتى باعىتى – موپەد، ۆەلوسيپەد، ساموكاتتار ۇرلىعىنىڭ الدىن الۋ.

ساراپتاماعا سايكەس، كوپ جاعدايدا ۇرلىقتىڭ بۇل ءتۇرى كەيبىر ازاماتتاردىڭ ءوز مۇلكىنە ۇقىپسىز قاراۋىنان، موپەدتەرىن، ۆەلوسيپەدتەرىن جانە ساموكاتتارىن قاراۋسىز قالدىرۋ سالدارىنان بولادى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

پوليسيا كەڭەسى:

– سەرۋەندەۋدەن كەيىن ۆەلوسيپەدتەردى، اربالاردى جانە ساموكاتتاردى پاتەرلەرگە، جابدىقتالعان قويمالارعا نەمەسە جەرتولەلەرگە كىرگىزۋ كەرەك. كىرە بەرىستە قالدىرىلعان مۇلىك، ءتىپتى ونى ۇرلىققا قارسى تروسپەن بەكىتكەن جاعدايدا دا، ونىڭ قاۋىپسىزدىگىنە كەپىلدىك بەرمەيدى، ويتكەنى قاسكويلەر تروستاردى ارنايى دايىندالعان قۇرالدارمەن وڭاي كەسىپ الادى؛

– كۇندەلىكتى پاتەرگە مۇلىكتى كىرگىزۋ مۇمكىن بولماعان جاعدايدا، ءۇيدىڭ جانىنان قاجەتتى عيماراتتى تاڭداۋ قاجەت (گاراجدار، كۇزەتىلەتىن جەكە اۋماقتار، كولىك تۇراقتاردىڭ اۋماقتارى، جەكە ۇيلەردىڭ اۋماقتارى جانە ت.ب.)؛

– قالا بويىنشا ساياحاتتاۋ كەزىندە ۆەلوسيپەدتەر مەن ساموكاتتاردى كۇزەتىلەتىن جەرلەردە نەمەسە بەينەباقىلاۋ كامەرالارىمەن جابدىقتالعان ورىنداردا قالدىرۋ قاجەت (نىساننىڭ كۇزەتىنىڭ، پوليسيانىڭ ءموبيلدى بەكەتتەرىنىڭ جانىندا، كەڭسەنىڭ جانە باسقا دا عيماراتتىڭ نەگىزگى كىرەبەرىسىنىڭ الدىنا)؛

– ۇرلىق بولعان جاعدايدا پوليسيا قىزمەتكەرلەرىن جەدەل باعدارلاۋ ءۇشىن وقيعا تۋرالى دەرەۋ “102” پۋلتىنە حابارلاۋ قاجەت. بۇل جاعدايدا ۇرلانعان مۇلىك تۋرالى اقپاراتتى دايىنداپ قويۋ كەرەك (قۇجاتتارى، ماركاسى، ءتۇسى، سۋرەتى، سەريالىق نەمەسە باسقا نومىرلىك بەلگىلەرى).

اقپارات كوزى Polisia.kz سايتىندا: https://polisia.kz/almaty-politsiyasy-eki-donggelekti-kolikti-urlyqtan-qalaj-saqtau-kerektigin-ajtty/