ديانا حانشايىمنىڭ قارا كويلەگى گولليۆۋدتاعى Julien's Auctions-تا 1،148 ملن دوللارعا ساتىلدى، بۇل باستاپقى باعادان 11 ەسە كوپ، دەپ حابارلايدى اlmaty-akshamy.kz ۆۆس اگەنتتىگىنە سىلتەمە جاساپ.
جۇلدىزشا ورنەگى بار بارقىت كويلەك ۋەلس حانشايىمىنىڭ ساتىلعان كويلەكتەرىنىڭ ەڭ قىمباتى بولدى. ونىڭ يىقتى ۇستاپ تۇراتىن بولىكتەرى، كوگىلدىر ورگانزادان تىگىلگەن يۋبكاسى، ۇلكەن بانتى جانە بەلدەمەسى بار.
اۋكسيوندى ۇيىمداستىرۋشىلار كويلەكتى باستاپقىدا 100 مىڭ دوللارعا باعالاعان.
ديانا ونى العاش رەت 1985 جىلى فلورەنسيادا كەشكى اسقا كيگەن. بۇل كەزدە ول ۋەلس حانزاداسى (قازىرگى انگليا كورولى كارل III) كۇيەۋى چارلزبەن بىرگە كورولدىك تۋردا بولدى.
1986 جىلى كوپشىلىك بۇل كويلەكتى تاعى كوردى - ديانا ونى ۆانكۋۆەر سيمفونيالىق وركەسترىنىڭ ونەر كورسەتۋىنە كيىپ شىقتى.
كوللەكسيالىق ۇلگى الەمگە ايگىلى توقىما ساۋداگەرى دجەيكوب شلاپفەر تاڭداعان ماتادان تىگىلىپ، Jacques Azagury («جاك ازاگۋري») برەندىنىڭ ديزاينەرلەرى كەستەلەگەن مەتالل جۇلدىزدارمەن بەزەندىرىلگەن.
ماروككولىق سانگەر جاك ازاگۋري ديانانىڭ سۇيىكتى ديزاينەرلەرىنىڭ ءبىرى بولعان جانە ول وعان بىرنەشە كويلەك تىككەن.