يمام جانە يسلامتانۋشى نۇرلان بايجىگىت ۇلى الەۋمەتتىك جەلىلەر ارقىلى قارا جامىلۋعا قارسى كوزقاراسىن ءبىلدىردى، دەپ حابارلايدى almaty-akshamy.kz
ونىڭ پايىمداۋىنشا، قارا جامىلۋ قازاق دىنىندە دە، سالتىندا دا جوق ءداستۇر.
يمام مۇنى ۇلتتىق داستۇرلەر مەن قۇندىلىقتارعا قايشى كەلەتىن ادەت رەتىندە سيپاتتايدى جانە قوعامدى وسىنداي كورىنىستەرگە قارسى تۇرۋعا شاقىرادى.
ول قۇدايعا دەگەن سەنىم مەن تاقۋالىقتىڭ سىرتقى كورىنىستەن گورى، وتباسىنا دۇرىس تاربيە بەرۋ، ادال جار بولۋ جانە وتانعا ادالدىق سياقتى ىشكى قاسيەتتەر ارقىلى كورىنەتىنىن اتاپ ءوتتى.
سونىمەن قاتار، نۇرلان بايجىگىت ۇلى ۇلتتىق اسپاپتاردى حارام دەپ سانايتىن كوزقاراستارعا دا جاۋاپ بەردى. ول دومبىرا مەن گيتارانىڭ ەشقانداي ءدىني كەدەرگىسىز، قازاقتىڭ مادەني مۇراسى رەتىندە قابىلدانۋى ءتيىس ەكەنىن ايتادى.
يمام دومبىرانىڭ ءاربىر پەرنەسىندە قازاقتىڭ زارى مەن مۇڭى بار ەكەنىن، ونىڭ ءاربىر قازاق ءۇشىن قاستەرلى ەكەنىن اتاپ ءوتتى.
ول ءار شاڭىراقتا بالالارعا دومبىرا تارتۋدى ۇيرەتۋدىڭ ماڭىزدى ەكەنىن ناقتىلادى.