الماتىدا ۇلتتىق ۇلاننىڭ ۇزدىك ساربازدارى مەن ساردارلارى ماراپاتتالدى

ولار – قۇقىقتىق ءتارتىپ ساربازدارى.

بۇگىن قازاقستان رەسپۋبليكاسى ۇلتتىق ۇلانى «وڭتۇستىك» وڭىرلىك قولباسشىلىعىنا قاراستى 5571 اسكەري ءبولىمىنىڭ ۇزدىك ساربازدارى  مەن ساردارلارىنا 7 مامىر – وتان قورعاۋشىلار كۇنى مەرەكەسىنە وراي  قازاقستان رەسپۋبليكاسى ىشكى ىستەر ءمينيسترىنىڭ، ۇلتتىق ۇلان باس قولباسشىسىنىڭ جانە «وڭتۇستىك» وڭىرلىك قولباسشىلىعى قولباسشىسىنىڭ بۇيرىقتارىمەن ماراپاتتار تابىس ەتىلدى، دەپ حابارلايدى Almaty-akshamy.kz Almaty.tv سىلتەمە جاساپ.

ماراپاتتاردى 5571 اسكەري ءبولىمىنىڭ كومانديرى پولكوۆنيك وسپامبەكوۆ باقداۋلەت ورال ۇلى تابىس ەتتى.

ۇلتتىق ۇلان ساربازدارىن قۇتتىقتاۋ ءۇشىن الماتى قالالالىق ءماسليحاتىنىڭ دەپۋتاتى شۋحراد شاردينوۆ، الماتى قالالىق پوليسيا دەپارتامەنتىنىڭ پوليسيا پولكوۆنيگى نۇرلان نۇرسايىتوۆ جانە اسكەري ءبولىمنىڭ ارداگەرى وتستاۆكاداعى پولكوۆنيك الەكساندر زەلينسكيي اسكەري بولىمگە ارنايى كەلدى.

ايتا كەتۋ كەرەك، جاقىندا زاپاسقا شىعاتىن 1-2021 شاقىرىلىم (1000 - 2021 ساربازدى) قازاقستان رەسپۋبليكاسى ىشكى ىستەر ءمينيسترىنىڭ اتىنان كومانديرلىك قول ساعاتتارمەن ماراپاتتالدى.

ۇلتتىق ۇلاننىڭ 5571 اسكەري ءبولىمىنىڭ اتقاراتىن نەگىزگى قىزمەتى – الماتى قالاسىنىڭ قوعامدىق ءتارتىبى مەن قاۋىپسىزدىگىن كۇزەتۋ. قالا تىنىشتىعىنىڭ ساقشىلارى.