المالى اۋدانىنىڭ تۇرعىندارىمەن كەزدەسۋ بارىسىندا مەگاپوليس باسشىسى قار شىعارۋ جۇمىستارىنا قاتىستى تۇسىنىكتەمە بەردى.
«ءبىز الگوريتمدى قايتا قاراستىردىق. قار شىعارۋ بارىسىن جاقسارتۋ جۇمىستارى جالعاسىپ كەلەدى. بۇل ماسەلەنى كۇن سايىن ءوزىم باقىلاپ وتىرامىن»، - دەدى ەربولات دوسايەۆ.
ەستەرىڭىزگە سالا كەتەيىك، بۇگىن تۇندە الماتىدا قار شىعارۋ ءۇشىن 416 بىرلىك ارنايى تەحنيكا مەن 268 جۇمىسشى جۇمىلدىرىلدى.
154 بىرلىك شاعىن كولەمدى تەحنيكانىڭ كۇشىمەن تروتۋارلار مەن جالپى پايدالانىلاتىن ورىندار مەحانيكالاندىرىلعان تۇردە تازالانىپ، قوعامدىق كولىك ايالدامالارى مەن جەر ءۇستى وتكەلدەرىندە قار قولمەن كۇرەلدى. اۋدان اكىمدىكتەرىندە جۇمىستى باقىلاۋ بويىنشا تاۋلىك بويى كەزەكشىلىك ۇيىمداستىرىلدى.