الماتى قالاسىنىڭ اكىمى ەربولات دوسايەۆ المالى اۋدانىنىڭ تۇرعىندارىمەن ەسەپتىك كەزدەسۋ بارىسىندا تۇرعىننىڭ «مانشۇك» سكۆەرىن جوندەۋ تۋرالى سۇراعىنا جاۋاپ بەردى.
«ءاليا مەن مانشۇك الاڭىنداعى سكۆەرگە كەلسەك، قايتا قۇرۋ جۇمىستارىن قايتا باستاۋ مەرزىمىن كۇتەمىز. مەنى ساياباقتىڭ جوعارعى بولىگىندە پانفيلوۆ كوشەسىنە جاقىن جەردەگى «اققۋ» ءدامحاناسىن قالپىنا كەلتىرۋ جۇمىستارى جوسپارلانعان جەكە ۋچاسكەنىڭ ماسەلەسى قىزىقتىرادى. بۇل جۇمىس قالاي جۇرگىزىلەدى، وندا قىزىل كىتاپقا ەنگىزىلگەن 100 جىلدىق ەمەن بار. مۇنىڭ ءبارىن باقىلاۋ كەرەك. سيرەك كەزدەسەتىن اعاشتاردى ساقتاۋ كەرەك، سونىمەن قاتار شىرشالاردى دۇرىستاپ قايتا وتىرعىزۋ كەرەك...»
اكىمنىڭ جاۋابى:
«ەستەرىڭىزدە بولسا، 2023 جىلى سكۆەردەگى جوندەۋدى اياقتاعىمىز كەلدى، قاجەتتى قارجىنى بولدىك. ءبىراق «شاح» قۇرىلىس كومپانياسىنىڭ مەردىگەرى وسى جوبا جانە كەلەسى جىلى اباتتاندىرۋ مەن كوگالداندىرۋعا قاتىستى تاعى ەكى جوبا بويىنشا سەنىمدى اقتاعان جوق. ءبىز سوتتا جەڭدىك. اقپان ايىندا ەكولوگيا باسقارماسى جاڭا بايقاۋ وتكىزەدى. بيىل جۇمىستى اياقتايمىز دەپ ۇمىتتەنەمىز. وكىنىشكە قاراي، 2023 جىلى جوندەۋگە بولىنگەن اقشانى 2024 جىلعا اۋىستىرۋعا ءماجبۇر بولدىق. بۇرىن ماقۇلدانعان جانە كەلىسىلگەن جوبا سول كۇيىندە قالادى. «اققۋ» ءدامحاناسىنا كەلسەك، ول تاريحي كەلبەتىن ساقتايدى. ءبىز سۋبۇرقاقتى، سونىمەن بىرگە اعاش وتىرعىزۋدى ساقتادىق. 2023 جىلدىڭ سوڭىندا قاجەتتى جابدىقتى ساتىپ الدىق. المالى اۋدانىنىڭ جاسىل كوميسسياسىمەن بىرگە ءارى قاراي نە ىستەۋ كەرەكتىگىن قاراستىرايىق. جوبانىڭ سكۆەرمەن ءوزارا ۇندەسۋىن قامتاماسىز ەتەمىز».