الماتى وبلىسىنىڭ توتەنشە جاعدايلار دەپارتامەنتى تۇرعىندارعا ەسكەرتۋ جاسادى.
الماتى وبلىسىنىڭ تاۋلارىندا 2023 جىلعى 29-31 ناۋرىز ارالىعىندا كوشكىن ءقاۋپى ساقتالادى، دەپ حابارلايدى Almaty-akshamy.kz تجد باسپا ءسوز قىزمەتىنە سىلتەمە جاساپ.
تجد ازاماتتاردان، تۋريستەردەن جانە دەمالۋشىلاردان قار كوشكىنىن تۋدىرۋى مۇمكىن بولعاندىقتان، قارلى بەتكەيلەرگە شىقپاۋدى، سونداي-اق تاۋلى جەرلەردە بارلىق قاۋىپسىزدىك پەن مىنەز-قۇلىق شارالارىن ساقتاۋدى سۇرايدى. الماتى وبلىسىنىڭ اۋماعىندا ىلە-الاتاۋ تاۋلارىنىڭ وڭتۇستىك بەتكەيىندە ەڭبەكشىقازاق، تالعار جانە قاراساي اۋداندارىندا 55 كوشكىن ءقاۋپى بار ۋچاسكە بار. نەگىزىنەن قار كوشكىنىنىڭ ءتۇسۋى تەمپەراتۋرا فونىنىڭ جوعارىلاۋىنا جانە جاڭبىر مەن قار تۇرىندە مول جاۋىن-شاشىننىڭ تۇسۋىنە بايلانىستى بولادى.