سينوپتيكتەر كۇن سۋىتاتىنىن ايتتى.
«قازگيدرومەت» رمك قازاقستان بويىنشا 2023 جىلعى 24-26 قازانعا ارنالعان اۋا رايى بولجامىن ۇسىندى، دەپ حابارلايدى Almaty-akshamy.kz.
الداعى كۇندەرى قازاقستاندا تۇراقسىز اۋا رايى ساقتالادى.
«اتموسفەرالىق فرونتتاردىڭ بىرنەشە جۇيەسى بار تەرەڭ جانە بەلسەندى سولتۇستىك سيكلون قازاقستان تۇرعىندارىنا قىستىڭ جاقىنداپ كەلە جاتقانىن ەسكە سالادى. ەلىمىزدە قاتتى جەل، كوكتايعاق قۇبىلىستارى، جاڭبىر مەن قار تۇرىندەگى جاۋىن-شاشىن ساقتالادى. باريكالىق القاپتاردىڭ تەز وزگەرۋى بۇكىل رەسپۋبليكا بويىنشا تەمپەراتۋرانىڭ قىسقا مەرزىمدى جوعارىلاۋىنا اكەلەدى، ءبىراق كەزەڭنىڭ سوڭىندا سكانديناۆيا تۇبەگىنىڭ ايماقتارىنان سۋىق اركتيكالىق اۋا ماسسالارىنىڭ ەنۋى ەلىمىزدىڭ باتىس، سولتۇستىك-باتىس جانە سولتۇستىك ايماقتارىندا سالقىنداۋعا اكەلەدى»، دەلىنگەن حابارلامادا.