قازاق سپورت جانە تۋريزم اكادەمياسىنىڭ پرەزيدەنتى قايرات زاكيريانوۆ مەن ق ر ەتنوسپورت قاۋىمداستىعىنىڭ ۆيسە-پرەزيدەنتى تاستانبەك ەسەنتايەۆ ەكىجاقتى كەلىسىم شارتقا قول قويدى.
ماقسات - بىرلەسە وتىرىپ ۇلتتىق سپورت تۇرلەرىنەن، سونىڭ ىشىندە ات سپورتىن دامىتۋ ماقساتىندا ءبىلىم بەرۋ باعدارلاماسىن قۇراستىرۋ، دەپ حابارلايدى Almaty-akshamy.kz ق ر عىلىم جانە جوعارى ءبىلىم مينيسترلىگىنە سىلتەمە جاساپ.
«اۋدارىسپاق، جامبى اتۋ، كوكپار، بايگە سياقتى ۇلتتىق سپورت تۇرلەرى - اتا-بابالارىمىز مۇرا ەتكەن اسىل قازىنا. اتقا ءمىنۋ، شابۋ – ءبىزدىڭ قانىمىزدا بار قاسيەت. ۇلتتىق قۇندىلىعىمىزدى جوعالتپاي، حالىقارالىق دارەجەدە كوتەرۋدى قولعا العانىمىز ءجون. ات سپورتىن دامىتۋ ءۇشىن بارىنشا قىزمەت ەتۋگە قازاق سپورت جانە تۋريزم اكادەمياسى دا ءاردايىم ىقىلاستى»، - دەدى قايرات زاكيريانوۆ.
الداعى ۋاقىتتا ءبىلىم بەرۋ باعدارلاماسىن ازىرلەۋ جانە ىسكە اسىرۋ جونىندەگى بىرلەسكەن ءىس-شارالاردى وتكىزۋ جوسپادا تۇر. ات سپورت تۇرلەرىنەن جارىستاردى، فورۋمداردى، سپورتتىق-ساۋىقتىرۋ ءىس-شارالارىن، كونفەرەنسيالاردى، سەمينارلاردى، سيمپوزيۋمداردى، عىلىمي زەرتتەۋ جوبالارىن دايىنداۋ جانە ونى ىسكە اسىرۋ، بولاشاق مامانداردى دايارلاۋدا زاماناۋي يننوۆاسيالىق ادىستەمەلەردى قولدانۋ سياقتى اۋقىمدى جۇمىستار كۇنتىزبەگە ەنگىزىلەدى.