قازاقستاننىڭ 16 وبلىسىندا اۋىلدى ەسكەرتۋ جاريالاندى، دەپ حابارلايدى اqshamnews.kz ءتىلشىسى.
"قازگيدرومەت" دەرەگىنشە، ەل اۋماعىندا قار، كوكتايعاق، تۇمان جانە قاتتى جەل كۇتىلەدى، ال كەي وڭىرلەردە اۋا تەمپەراتۋراسى -40 گرادۋسقا دەيىن تومەندەيدى.
سينوپتيكتەردىڭ بولجامىنشا، قىزىلوردا وبلىسىنىڭ وڭتۇستىگى مەن ورتالىعىندا تۇندە قار جاۋىپ، كۇندىز جاۋىن-شاشىن كوبىنە قار تۇرىندە تۇسەدى. وبلىستىڭ بىرنەشە بولىگىندە تۇمان، كوكتايعاق بولىپ، بۇرقاسىن جۇرەدى. جەلدىڭ ەكپىنى 15-20 م/س-قا دەيىن جەتەدى. قىزىلوردا قالاسىندا دا كوكتايعاق پەن بۇرقاسىن كۇتىلىپ وتىر.
تۇركىستان وبلىسىنىڭ تاۋلى ايماقتارىندا جاڭبىر مەن قار ارالاس قاتتى جاۋىن-شاشىن جاۋادى. وبلىستىڭ باتىسى مەن سولتۇستىگىندە جەل كۇشەيىپ، تاۋلى وڭىرلەردە ونىڭ جىلدامدىعى 28 م/س-قا دەيىن بارادى. شىمكەنت پەن تۇركىستان قالالارىندا دا جەلدىڭ ەكپىنى 15-20 م/س بولادى.
الماتى وبلىسىنىڭ تاۋلى جانە وڭتۇستىك اۋداندارىندا تۇمان تۇسەدى. وبلىستىڭ سولتۇستىگى مەن باتىسىندا جەل كۇشەيەدى. الماتى مەن قونايەۆ قالالارىندا تۇندە جانە تاڭەرتەڭ تۇمان كۇتىلەدى.
استانادا جولدار كوكتايعاق بولىپ، جۇرگىزۋشىلەرگە ەرەكشە ساقتىق قاجەت. اقتوبە وبلىسىندا قار جاۋىپ، جاياۋ بۇرقاسىن سوعادى. كەي جەردە جەلدىڭ ەكپىنى 25 م/س-قا دەيىن جەتۋى مۇمكىن.
ماڭعىستاۋ، اتىراۋ جانە باتىس قازاقستان وبلىستارىندا دا قار، جاڭبىر، كوكتايعاق جانە تۇمان كۇتىلەدى. اقتاۋ، اتىراۋ، ورال قالالارىندا اۋا رايىنىڭ قولايسىزدىعىنا بايلانىستى جول قوزعالىسى قيىنداۋى مۇمكىن.
قاراعاندى جانە ۇلىتاۋ وبلىستارىندا بۇرقاسىن ءجۇرىپ، جەل كۇشەيەدى. كەي اۋدانداردا ونىڭ جىلدامدىعى 28 م/س-قا دەيىن جەتەدى. جەزقازعان مەن قاراعاندى قالالارىندا دا قاتتى جەل بولجانىپ وتىر.
سينوپتيكتەردىڭ مالىمەتىنشە، 15-17 قاڭتار ارالىعىندا پاۆلودار جانە شىعىس قازاقستان وبلىستارىنىڭ سولتۇستىگى مەن شىعىسىندا تۇندە اۋا تەمپەراتۋراسى -40 گرادۋسقا دەيىن تومەندەيدى. بۇل وڭىرلەردە قالىڭ اياز بەن تۇمان كۇتىلەدى.
سونىمەن قاتار اباي، قوستاناي، جامبىل، جەتىسۋ جانە اقمولا وبلىستارىندا دا تۇمان، كوكتايعاق جانە قاتتى جەل بولجانىپ وتىر. تاراز بەن كوكشەتاۋ قالالارىندا جولدار مۇزداپ، كولىك قوزعالىسىنا ءقاۋىپ ءتونۋى مۇمكىن.
توتەنشە جاعدايلار قىزمەتى تۇرعىنداردى الىس جولعا شىقپاۋعا، اۋا رايى كۇرت ناشارلاعان كەزدە قاۋىپسىزدىك شارالارىن ساقتاۋعا شاقىرادى.