الماتىنىڭ الاتاۋ اۋدانىندا سەرۋەندەۋگە جانە دەمالۋعا ارنالعان جاڭا قوعامدىق كەڭىستىك پايدالانۋعا بەرىلدى. ءقازىردىڭ وزىندە جەرگىلىكتى تۇرعىندار اراسىندا ۇلكەن سۇرانىسقا يە نىسان ۇلكەن الماتى وزەنىنىڭ جاعاسىندا، رىسقۇلوۆ پەن رايىمبەك داڭعىلدارىنىڭ ارالىعىندا ورنالاسقان. بۇل تۋرالى الاتاۋ اۋدانى اكىمدىگىنىڭ وكىلدەرى ايتتى.
اعىمداعى جوندەۋ جۇمىستارى اياسىندا اۋماق كەشەندى تۇردە اباتتاندىرىلىپ، قالا تۇرعىندارىنىڭ جايلىلىعى مەن قاۋىپسىزدىگىنە باسىمدىق بەرىلدى. شاعىن ساۋلەتتىك نىساندار مەن سىرتقى جارىقتاندىرۋ تىرەكتەرى ورناتىلدى، جايلىلىق پەن بىرلىكتىڭ سيمۆولى سانالاتىن «شاڭىراق» ارت-نىسانى رەتكە كەلتىرىلىپ، اعاشتار وتىرعىزىلىپ، كوگالدار جاسالدى، زاماناۋي اۆتوماتتى سۋارۋ جۇيەسى ەنگىزىلدى، اسفالت، كەسپە تاس توسەلدى.
«بۇرىن بۇل جەردەن جاي عانا ءوتىپ كەتەتىنبىز، ال ءقازىر شىنىمەن دە سەرۋەندەيتىن ورىنعا اينالدى. بالالارمەن قىدىرۋعا وتە ىڭعايلى، كەشكە سەرۋەندەۋ دە جاقسى – جارىق، جيناقى، ءقاۋىپسىز. ءۇيدىڭ ماڭىنان وسىنداي كەڭىستىكتەردىڭ اشىلعانى قۋانتادى»، – دەدى اۋدان تۇرعىندارىنىڭ ءبىرى.