قاپشاعايدا مۇمكىندىگى شەكتەۋلى جاندار اراسىندا سپارتاكيادا ءوتتى

قازىرگى پاندەميا ۋاقىتىندا كوپ جاندار قوزعالىس تاپشىلىعىن سەزىنىپ جاتىر.

كونستيتۋسيا كۇنى قارساڭىندا قاپشاعايدا مۇمكىندىگى شەكتەۋلى جاندار اراسىندا سپارتاكيادا ءوتتى، دەپ حابارلايدى Almaty-akshamy.kz Baq.kz-كە سىلتەمە جاساپ.

جارىسقا قاتىسۋشىلار فۋتبول، ۆولەيبول، باسكەتبول جانە شاحمات پەن دويبى ويىندارى بويىنشا سايىسقا ءتۇستى.

«بىزبەن بىرگە» قوعامدىق قورىنىڭ قولداۋىمەن وتكەن سپورتتىق ويىندارعا 35 تەن اسا ادام قاتىستى. وسىلايشا «قاپشاعاي ارناۋلى الەۋمەتتىك قىزمەت كورسەتۋ ورتالىعى» كمم-دە تارتىسقا تولى دودا بولدى.

«ءبىزدىڭ ورتالىقتا 130-دان استام ادام قارالادى. دەنساۋلىقتارىنداعى ەرەكشەلىكتەرىنە قاراماستان، ولار فۋتبول، ۆولەيبول، باسكەتبول ويناپ، سپورتپەن بەلسەندى تۇردە اينالىسادى. قازىرگى پاندەميا ۋاقىتىندا كوپ جاندار قوزعالىس تاپشىلىعىن سەزىنىپ جاتىر. سوندىقتان، وسىنداي جارىستاردى وتكىزۋ ماڭىزدى»، - دەيدى قاپشاعاي ارناۋلى الەۋمەتتىك قىزمەت كورسەتۋ ورتالىعىنىڭ مامانى الماز احات قىزى.

سپارتاكيادا سوڭىندا جەڭىمپازدار باعالى سىيلىقتارمەن جانە ارناۋلى العىس حاتتارمەن ماراپاتتالدى.
قاپشاعاي قالاسى ىشكى ساياسات ءبولىمى مەن «بىزبەن بىرگە» قوعامدىق قورى قولداۋ كورسەتكەن جارىس ناتيجەلى اياقتالدى.