ەلباسى كىتاپحاناسى كونستيتۋسيانىڭ العاشقى قابىلدانعان ساتىنەن تاريحي بەينەدەرەك جاريالادى.
قازاقستان كونستيتۋسياسىنىڭ قابىلدانعانىنا 26 جىل تولۋىنا وراي ەلباسى كىتاپحاناسى ن.ءا. نازاربايەۆتىڭ جەكە ارحيۆىندەگى قۇجاتتار مەن ماتەريالدار نەگىزىندە ەلىمىزدىڭ باستى زاڭىن دايىنداۋ تاريحىنان سىر شەرتەتىن بەينەروليك دايىندادى، دەپ حابارلايدى Almaty-akshamy.kz.
1995 جىلعى 30 تامىزدا بۇكىلحالىقتىق رەفەرەندۋمدا قازاقستان كونستيتۋسياسى قابىلداندى. ەلدىڭ باستى قۇجاتىندا قازاقستان دەموكراتيالىق، زايىرلى، قۇقىقتىق جانە الەۋمەتتىك مەملەكەت رەتىندە كورسەتىلگەن، ونىڭ ەڭ قىمبات قازىناسى – ادام جانە ادامنىڭ ءومىرى، قۇقىقتارى مەن بوستاندىقتارى بولىپ سانالادى.
كونستيتۋسيانى ازىرلەۋ جانە قابىلداۋ قازاقستان تاۋەلسىزدىگىنىڭ قالىپتاسۋ جولىنداعى شەشۋشى ساتتەردىڭ ءبىرى بولدى.
ەلباسى ن.ءا. نازاربايەۆ ءوز سوزىندە: «ءبىزدىڭ نەگىزگى زاڭىمىزدا تابىستى دامۋ ءۇشىن دە، ۇلتتىڭ وزدى-وزىنەن جاڭارۋى ءۇشىن دە بارلىق قۇقىقتىق قۇرالدار بار. ءبىز الدىمىزعا جاھاندىق ماقسات – عاسىردىڭ ورتاسىنا قاراي، 2050 جىلعا دەيىنگى كەزەڭگە ازىرلەنگەن ستراتەگيالىق باعدارلاما نەگىزىندە قازاقستاندى الەمنىڭ نەعۇرلىم دامىعان 30 ەلىنىڭ بىرىنە اينالدىرۋ ماقساتىن قويدىق»، – دەگەن بولاتىن.