تاۋەلسىزدىك العان كەيىن قابىلدانعان اتا زاڭىمىز قوعامنىڭ وركەندەۋىنە قارقىن قوستى.
ىشكى ىستەر ءمينيسترى ەرلان تۇرعىمبايەۆ قازاقستاندىقتاردى كونستيتۋسيا كۇنىمەن قۇتتىقتادى، دەپ حابارلايدى Almaty-akshamy.kz.
«قۇرمەتتى وتانداستار! قىمباتتى ارداگەرلەر جانە ارىپتەستەر! سىزدەردى شىن جۇرەكتەن كونستيتۋسيا كۇنىمەن قۇتتىقتايمىن. تاۋەلسىزدىك العان كەيىن قابىلدانعان اتا زاڭىمىز قوعامنىڭ وركەندەۋىنە قارقىن قوسىپ، قازاقستان حالقىنىڭ بىرلىگىنە جول باستاعانىن بۇگىنگى ۋاقىت دالەلدەپ وتىر»، - دەپ جازدى مينيستر Facebook-تە.
تۇرعىمبايەۆ اتاپ وتكەندەي، ىشكى ىستەر ورگاندارىنىڭ ماڭىزدى مىندەتتەرىنىڭ ءبىرى - وسى اتا زاڭعا سۇيەنە وتىرىپ، ازاماتتاردىڭ قۇقىقتارى مەن بوستاندىقتارىن قامتاماسىز ەتۋ.
«كەلەشەككە كەرۋەن تارتقان مەملەكەتىمىزدىڭ تۇراقتى دامۋىنا ىشكى ىستەر ورگاندارىنىڭ دا قىزمەتكەرلەرى ۇلكەن ۇلەس قوسادى دەگەن سەنىمدەمىن. ءار وتانداسىمىز كونستيتۋسيانىڭ مەملەكەت پەن قوعام ءۇشىن عانا ەمەس، ءوزىنىڭ جەكە باسى مەن وتباسى ءۇشىن دە ماڭىزدىلىعىن تەرەڭ سەزىنۋى ءتيىس. جىلدان-جىلعا ءبىزدىڭ باستى قۇندىلىقتارىمىز – تاۋەلسىزدىگىمىز، كەلىسىم مەن بىرلىگىمىز نىعايا بەرسىن! ءار شاڭىراققا قۇت-بەرەكە، ىرىس پەن ىنتىماق تىلەيمىن. ەل ىرگەسى امان، كەلەشەگىمىز كەمەل بولسىن»، - دەپ ايتتى ءىىم باسشىسى.