ەكى اعايىندى بالا باتا باستاعان
قونايەۆ قالاسىنداعى قاپشاعاي سۋ قويماسىنا شومىلۋعا بارعان ءتورت ادام كولگە باتىپ كەتتى، دەپ حابارلايدى Almaty-akshamy.kz الماتى وبلىسى تجد باسپا ءسوز قىزمەتىنە سىلتەمە جاساپ.
قايعىلى جاعداي 26 ماۋسىمدا بولعان.
2022 جىلعى 26 ماۋسىم كۇنى قونايەۆ قالاسىنداعى، قاپشاعاي سۋ قويماسىندا، "گولۋبوي زاليۆ" اۋدانىندا، شومىلۋعا ارنالماعان جەردە ءتورت ادام سۋعا باتىپ كەتتى (1990 ج.ت. ايەل، 1992 ج.ت. ەر ادام جانە 2007، 2010 ج.ت. ەكى بالا.)، 1954 ج.ت. تاعى ءبىر ايەل ادام قۇتقارىلدى، بارلىعى تۋىس ادامدار،-دەلىنگەن حابارلامادا.
سۋ قويماسىندا شومىلۋ بارىسىندا تولقىن كوتەرىلىپ، ەكى اعايىندى بالا باتا باستاعان. ولاردى اعاسى، تاتەسى جانە اپاسى قۇتقارۋعا ۇمتىلعان. ءبىراق وكىنىشكە قاراي، تەك اپاسى عانا امان قالدى. تجد قۇتقارۋشىلارى ەكى بالا مەن ەر ادامنىڭ دەنەسىن سۋدان الىپ شىقتى.
الماتى وبلىسى اكىمىنىڭ قاۋلىسىنا سايكەس، قونايەۆ قالاسىندا قۇتقارۋشىلار كەزەكشىلىگى ۇيىمداستىرىلعان 7 قالالىق جاعاجاي بار، سونداي-اق ولار قۇتقارۋ مۇنارالارىمەن جانە شومىلۋ كەزىندە ادامداردىڭ قاۋىپسىزدىگىن قامتاماسىز ەتۋ ءۇشىن باسقا دا قاجەتتى قۇرالدارمەن جابدىقتالعان. الماتى وبلىسىنىڭ توتەنشە جاعدايلار دەپارتامەنتى ازاماتتاردان ارنايى جابدىقتالعان ورىنداردا عانا سۋعا شومىلۋدى، جۇزە الماساڭىز سۋعا بەلدەن جوعارى تۇسپەۋدى، بالالاردى سۋ جانىندا قاراۋسىز قالدىرماۋدى، سۋ جانىندا دەمالۋ كەزىندە سپيرتتىك ىشىمدىكتەردى ىشپەۋدى جانە تولقىندار مەن داۋىلدى اۋا رايىندا سۋعا شومىلماۋدى سۇرايدى.
ەستەرىڭىزگە سالا كەتەيىك، كونايەۆ قالاسىندا 7 قالالىق جاعاجاي بار، ولار قۇتقارۋ مۇنارالارىمەن جابدىقتالعان، قۇتقارۋشىلاردىڭ كەزەكشىلىگى جانە شومىلۋ كەزىندە ادامداردىڭ قاۋىپسىزدىگىن قامتاماسىز ەتۋ ءۇشىن باسقا دا قاجەتتى قۇرالدارمەن قامتاماسىز ەتىلگەن، سونىمەن قاتار قالادا 140-قا جۋىق جەكە دەمالىس ورىندارى بار.