2021 جىلدىڭ جەڭىمپازى داۋرەن نۇرالينوۆ جاراقاتىنا بايلانىستى تۋرنيگە قاتىسپايتىنىن مالىمدەدى
استانا كۇنىنە ورايلاستىرىلعان قازاق كۇرەسىنەن «قازاقستان بارىسى» ءحى رەسپۋبليكالىق ءتۋرنيرى 3 شىلدە كۇنى «بارىس-ارەنا» مۇز سارايىندا وتەدى، دەپ حابارلايدى Almaty-akshamy.kz قازاقستان بارىسىنىڭ فەيسبۋكتەگى پاراقشاسىنا سىلتەمە جاساپ.
ءداستۇرلى تۋرنير ەلىمىزدە ۇلتتىق سپورتتى دامىتۋ ارقىلى سالاۋاتتى ءومىر سالتىن ناسيحاتتاۋ، مەملەكەتتىك رامىزدەردىڭ 30 جىلدىعىن اتاپ ءوتۋ، قالا كۇنىن مەرەكەلەۋ جانە بالالار جىلى اياسىندا جاستاردى ۇلتتىق سپورتپەن شۇعىلدانۋعا تارتۋ، ولاردىڭ بويىندا وتانسۇيگىشتىك سەزىمدى قالىپتاستىرۋ ماقساتتارىن جۇزەگە اسىرادى.
جارىس ەرەجەسىنە سايكەس ءساۋىر-مامىر ايلارىندا اۋىل، اۋدان، وبلىستىق (قالالىق) دەڭگەيدەگى جانە كۇشتىك قۇرىلىمدار جەلىسى اراسىندا ىرىكتەۋ جارىستارى تولىعىمەن ءوتىپ، وعان ەلىمىز بويىنشا بەس مىڭعا جۋىق سپورتشى قاتىستى. سونىڭ ىشىنەن 36 بالۋان اقتىق سىنعا جولداما الدى. ولاردىڭ ىشىندە وسىعان دەيىن جەڭىس تۇعىرىنان كورىنگەن مۇحيت تۇرسىنوۆ، ەلامان ەرعالييەۆ، ەراسىل قاجىبايەۆ، عالىمجان قىرىقبايەۆتار بار.
2021 جىلدىڭ جەڭىمپازى داۋرەن نۇرالينوۆ جاراقاتىنا بايلانىستى تۋرنيگە قاتىسپايتىنىن مالىمدەدى. سونداي-اق، ەكى دۇركىن «قازاقستان بارىسى» اتانعان ايبەك نۇعىماروۆ سپورتتىق جولىن اياقتاعانىن رەسمي تۇردە جاريالادى.
ءتۋرنيردى ق ر مادەنيەت جانە سپورت مينيسترىلىگى جانە نۇر-سۇلتان قالاسى اكىمدىگىنىڭ قولداۋىمەن «Qazaqstan Barysy» قورى مەن Qazaq kuresi اسسوسياسياسى ۇيىمداستىرادى.
قازاق كۇرەسى ەرەجەسىنە ەنگىزىلگەن وزگەرتۋلەرگە بايلانىستى بيىلعى تۋرنير «بۇك» ۇپايىنسىز وتەدى.
«قازاقستان بارىسى» ءتۋرنيرىنىڭ جۇلدە قورى ادەتتەگىدەي، جەڭىمپاز بالۋانعا 25 000 000 تەڭگە جانە التىن بەلبەۋ مەن اۋىسپالى التىن «تايتۇياق» تابىستالادى. ەكىنشى ورىنعا 5 500 000 تەڭگە جانە ءۇشىنشى ورىنعا 1 800 000 تەڭگە، سايكەسىنشە كۇمىس جانە قولا بەلبەۋلەرمەن ماراپاتتالادى.
جانكۇيەرلەر ءتۋرنيردى Qazsport ارنالارى ارقىلى تىكەلەي ەفيردەن كورە الادى. بيلەتتەر zakazbiletov.kz سايتىندا ساتىلىمدا. رەسمي سالماق ولشەۋ ءراسىمى 1 شىلدە ساعات 19.00- دە «حان شاتىر» سوسو بەلگىلەنىپ وتىر.