ميحايل كوزاچكوۆ 2022 جىلى 18 جەلتوقساندا ۇستالعان بولاتىن.
جۋرناليست ميحايل كوزاچكوۆتى قاماۋدا ۇستاۋ مەرزىمى 18 ناۋرىزعا دەيىن ۇزارتىلدى، دەپ حابارلايدى Almaty-akshamy.kz.
الماتى قالالىق مامانداندىرىلعان اۋدانارالىق تەرگەۋ سوتىنىڭ باسپا ءسوز قىزمەتى حابارلاعانداي، سوتقا دەيىنگى تەرگەۋ ورگانىنىڭ ءوتىنىشى بويىنشا قاماۋعا الۋ مەرزىمى ءۇش ايعا ۇزارتىلعان.
«30 قاڭتاردا سوتقا دەيىنگى تەرگەپ-تەكسەرۋ ورگانىنىڭ ءوتىنىشى قاناعاتتاندىرىلىپ، كوزاچكوۆتى قاماۋدا ۇستاۋ مەرزىمىن ءۇش ايعا، ياعني 2023 جىلدىڭ 18 ناۋرىزىنا دەيىن ۇزارتۋ تۋرالى سانكسيا بەرىلدى»، - دەلىنگەن سوت حابارلاماسىندا.
ەسكە سالايىق، ميحايل كوزاچكوۆ 2022 جىلى 18 جەلتوقساندا ۇستالعان بولاتىن. ول رەيدەرلىك بوپسالاۋ ارەكەتتەرىمەن اينالىسقان قوسپايەۆتىڭ ۇيىمداسقان قىلمىستىق توبىنا قاتىسى بار دەگەن كۇدىككە ءىلىندى.