قىز جاعادان 150 مەتر قاشىقتىققا كەتىپ قالعان
بويجەتكەن جاعادان 150 مەتر جەردە سۋعا باتا باستاعان، دەپ حابارلايدى Almaty-akshamy.kz.
2022 جىلعى 25 شىلدەدە ساعات 19.45-تە الماتى وبلىسى تجد قونايەۆ ءوڭىرىنىڭ جەدەل-قۇتقارۋ جاساعىنىڭ قۇتقارۋشىلارى قاپشاعاي سۋ قويماسىندا باتىپ بارا جاتقان قىزدى قۇتقاردى.
«№7 قالالىق جاعاجاي ماڭىندا پاترۋلدەۋ كەزىندە، جاعادان 150 مەتر قاشىقتىقتا شومىلۋ كەزىندە، تەرەڭدىككە ءتۇسىپ باتا باستاعان، 2007 جىلى تۋعان قىز بالا قۇتقارىلدى. قۇتقارىلعان قىز جاعاعا جەتكىزىلىپ، اتا-اناسىنا تاپسىرىلدى»،-دەلىنگەن وبلىستىق تجد تاراتقان مالىمەتتە.
قۇتقارۋشىلار قىزدىڭ اتا-اناسىمەن جانە باسقا دا دەمالۋشىلارمەن سۋداعى قاۋىپسىزدىكتى ساقتاۋ بويىنشا تۇسىندىرمە اڭگىمەسى جۇرگىزدى.