ساۋدا جانە ينتەگراسيا ءمينيسترى الەۋمەتتىك ماڭىزى بار ازىق-تۇلىك تاۋارلارىنىڭ تىزبەسىن تولىقتىرۋ تۋرالى بۇيرىق 6 قاڭتاردان باستاپ كۇشىنە ەنەتىنىن جانە سول ۋاقىتتان باستاپ ازىق-تۇلىك باعاسىن كوتەرۋ شەكتەلەتىنىن مالىمدەدى، دەپ حابارلايدى aqshamnews.kz
"الەۋمەتتىك ماڭىزى بار ازىق-تۇلىك ونىمدەرىنىڭ تىزبەسىن كەڭەيتۋ: 19 تاۋار بولدى، ولار قالادى، ازىق-تۇلىك تاۋارلارىنىڭ سانىن 33-كە دەيىن كوبەيتتىك، ونىڭ ىشىندە قيار مەن قىزاناق بار. ارينە، ساۋدا جەلىلەرى قيىنعا سوعاتىنىن ايتادى، لوگيستيكا وزگەرەدى، كولىك شىعىندارى تاعى بار دەيدى، ءبىراق ءبىز كەلىسىمگە كەلدىك. بۇل – ۋاقىتشا شارا، سەبەبى مەملەكەت باسشىسىنىڭ نۇسقاۋى بويىنشا ءبىز باعانى تۇراقتاندىرۋ جوسپارىن ازىرلەدىك. وسى جوسپاردىڭ اياسىندا ءبىز ساۋدا جەلىلەرىمەن بىرگە قاجەتتى مارجا مەن ءوسۋ قارقىنىن ەسەپتەدىك. كەيبىر تاۋار بويىنشا 7-8 پايىز، كەي ونىمدەردە ءوسىم 25 پايىزعا جەتكەن. ديناميكانى باقىلاپ وتىرمىز، بۇگىن بۇيرىققا قول قويامىن، ول 2026 جىلدىڭ 6 قاڭتارىندا كۇشىنە ەنەدى"، - دەدى ساۋدا جانە ينتەگراسيا ءمينيسترى ارمان شاققالييەۆ.
ونىڭ ايتۋىنشا، بۇيرىق ءبىر توقسان بويى كۇشىندە بولادى. ەگەر باعا وسە بەرسە، شەشىم تاعى ءبىر توقسانعا ۇزارتىلادى، باعا وسىمىنە شەكتەۋ 15 پايىزعا دەيىن بولادى.