TasteAtlas گاسترونوميالىق جوباسىنىڭ ساراپشىلارى الەمنىڭ تۇكپىر-تۇكپىرىنەن جينالعان 19 مىڭعا جۋىق تاعامدى زەرتتەپ، ەڭ ۇزدىك 100 ۇلتتىق اسحانانىڭ رەيتينگىن جاسادى، دەپ حابارلايدى aqshamnews.kz
بۇل تىزىمگە قازاقستان دا كىردى – ول 98-ورىنعا جايعاستى.
رەيتينگ اۆتورلارى بىرنەشە قازاق تاعامىن ەرەكشە اتاپ، مىندەتتى تۇردە ءدامىن كورۋگە كەڭەس بەردى. ولاردىڭ قاتارىندا – بەشبارماق، قازى، كەسپە، شەلپەك، سامسا جانە باسقا دا ءداستۇرلى ۇلتتىق تاعامدار بار.
ساراپشىلار بولەك قازاقستاننىڭ ەت تاعامدارىنىڭ ۇزدىك بەستىگىن جاسادى:
لاگمان
بەشبارماق
جايا
جال
قارتا
الەمدىك رەيتينگتىڭ ءبىرىنشى ورنىن يتاليا يەلەندى. ساراپشىلار پيسسا مەن پاستانى عانا ەمەس، ءونىم ساپاسىن جانە ءداستۇرلى مەيرامحانالاردىڭ جۇمىسىن دا جوعارى باعالادى.
ال ۇزدىك وندىققا گرەكيا، پەرۋ، پورتۋگاليا، يسپانيا، جاپونيا، تۇركيا، جۇڭگو، فرانسيا جانە يندونەزيا كىردى.