قاڭتاردا ۇرلانعان قارۋدىڭ ۇشتەن ءبىرى عانا تابىلدى

1 259 تابەلدىك قارۋ ۇرلانعان.

باس پروكۋراتۋرانىڭ قىلمىستىق قۋدالاۋ قىزمەتى باستىعىنىڭ ورىنباسارى ەلدوس قيلىمجانوۆ وسىلاي دەدى، دەپ حابارلايدى Almaty-akshamy.kz

قۇقىق قورعاۋ ورگاندارى عيماراتتارىنا شابۋىلداۋ ناتيجەسىندە 1 259 تابەلدىك قارۋ ۇرلاندى، سونىڭ ىشىندە اۆتوماتتار، تاپانشالار مەن گراناتومەتتار بولدى.

اتاپ ايتقاندا، الماتى وبلىسىندا پوليسيا دەپارتامەنتى عيماراتىنان 53 اۆتومات، 367 تاپانشا، 1 گراناتومەت، سونداي-اق 23 مىڭنان استام پاتروندار ۇرلاندى.

«جامبىل وبلىسىندا 200 اۆتومات، 148 تاپانشا، 11 گراناتومەت، ءبىر پۋلەمەت جانە 40 مىڭعا جۋىق پاترون قولدى بولدى. رەزيدەنسيادا قيراتۋلاردان كەيىن 130 دانا قارۋ مەن وق-دارىلەردىڭ جەتىسپەۋشىلىگى انىقتالدى، ونىڭ ىشىندە 80 گراناتا، 17 تاپانشا، 11 اۆتومات، 21 گراناتومەت جانە سنايپەر مىلتىعى. بارلىق بۇل فاكتىلەر بويىنشا تەرگەپ-تەكسەرۋلەر جۇرۋدە. ۇدايى قارۋ-جاراق قويمالارى تابىلىپ، ولارعا قاتىسى بار ادامدار انىقتالۋدا. قازىرگى ۋاقىتتا 481 بىرلىك قارۋ تابىلدى. بۇل - بارلىق ۇرلانعان قارۋدىڭ ۇشتەن ءبىرى. قالعاندارى قىلمىسكەرلەردىڭ قولىندا»، - دەدى سپيكەر.