سينوپتيكتەر قازاقستان بويىنشا 17 تامىز كۇنگى اۋا رايى بولجامىن ۇسىندى.
ەلىمىزدىڭ باسىم بولىگىندە كەڭ اۋقىمدى سولتۇستىك-باتىس انتيسيكلون جاۋىن-شاشىنسىز اۋا رايىن ساقتايدى، سونىمەن قاتار اۋا تەمپەراتۋراسى بىرتىندەپ تومەندەيدى، دەپ حابارلايدى Almaty-akshamy.kz «قازگيدرومەتكە» سىلتەمە جاساپ.
رەسپۋبليكانىڭ سولتۇستىگىندە، شىعىسىندا، وڭتۇستىك-شىعىسىنداعى تاۋلى ايماقتاردا نايزاعاي ويناپ، جاڭبىر جاۋادى. ەلدىڭ كەي جەرلەرىندە جەل كۇشەيەدى دەپ بولجاندى.
كۇندىز باتىس قازاقستاننىڭ وڭتۇستىگىندە، ماڭعىستاۋ، اتىراۋ وبلىستارىنىڭ شىعىسىندا كۇن قاتتى ىستىق بولادى.
كۇندىز اقتوبە وبلىسىنىڭ باتىسىندا قاتتى ىستىق ساقتالادى.
قىزىلوردا وبلىسىندا، تۇركىستان وبلىسىنىڭ وڭتۇستىگى مەن شىعىسىندا، اتىراۋ، اقتوبە، الماتى وبلىسىنىڭ شىعىسىندا، باتىس قازاقستان، ماڭعىستاۋ، جەتىسۋ وبلىستارىنىڭ وڭتۇستىگىندە، جامبىل وبلىسىنىڭ وڭتۇستىگى مەن باتىسىندا، اباي وبلىسىنىڭ بەسقاراعاي اۋدانىندا توتەنشە ءورت ءقاۋپى ساقتالادى.