سانيتارلىق-ەپيدەميولوگيالىق باقىلاۋ كوميتەتىنىڭ ءتوراعاسى ايجان ەسماعامبەتوۆا ريەۆاكسيناسيا ءۇشىن «سپۋتنيك لايت» ۆاكسيناسىن جەتكىزۋگە قاتىستى كەلىسسوز ءجۇرىپ جاتقانىن ايتتى، دەپ حابارلايدى almaty-akshamy.kz.
«جەتكىزۋشىلەرمەن كۇندەلىكتى كەلىسسوز جۇرگىزىلىپ جاتىر. «سپۋتنيك لايت» بويىنشا الدىن الا كەلىسسوز جاسالدى. ازىرشە، 2022 جىلدىڭ ءبىرىنشى توقسانىندا شامامەن 1 ملن دوزا جەتكىزىلەدى»، - دەدى كوميتەت ءتوراعاسى ۇكىمەت وتىرىسىنان كەيىن ب ا ق وكىلدەرىنىڭ ساۋالىنا وراي.
ونىڭ اتاپ وتۋىنشە، الدىن الا ۋاعدالاستىققا سايكەس، جەلتوقسان ايىنىڭ سوڭىندا نەمەسە قاڭتار ايىنىڭ باسىندا «سپۋتنيك لايت» ۆاكسيناسىنىڭ 150 مىڭ دوزاسى قازاقستانعا جەتكىزىلمەك. ايتا كەتەيىك، ۇكىمەت وتىرىسىندا ق ر دەنساۋلىق ساقتاۋ ءمينيسترىنىڭ مىندەتىن اتقارۋشى جاندوس بۇركىتبايەۆ جاپپاي ريەۆاكسيناسيا جۇرگىزۋدى تەزدەتۋ قاجەتتىگىن ايتقان بولاتىن.