الماتى قالاسى مەملەكەتتىك كىرىستەر دەپارتامەنتى باسشىسىنىڭ ورىنباسارى ورىنكۇل قازييەۆا وڭىرلىك كوممۋنيكاسيالار قىزمەتىنىڭ ءونلاين-باسپاسوز كونفەرەنسياسى بارىسىندا موبيلدىك اۋدارىمدار مەن تولەمدەرگە قاتىستى ءجيى قويىلاتىن سۇراقتارعا جاۋاپ بەردى، دەپ حابارلايدى اlmaty-akshamy.kz
ايتا كەتسەك، جەلتوقسان ايىندا قر-دا «سالىق جانە بيۋدجەتكە تولەنەتىن باسقا دا مىندەتتى تولەمدەر تۋرالى» كودەكسكە (سالىق كودەكسى) تۇزەتۋلەر قابىلداندى. ورىنكۇل قازييەۆا 2022 جىلدىڭ 1 ناۋرىزىنان باستاپ ەل مەن مەگاپوليس تۇرعىندارىنا قانداي وزگەرىستەر اسەر ەتەتىنىن ايتتى.
الماتى مكد وكىلى ەلىمىزدە شاعىن جانە ورتا بيزنەس سوڭعى جىلدارى كاسىپكەرلىك قىزمەتتە جەكە تۇلعالار اراسىنداعى ترانزاكسيالارعا ارنالعان جەدەل ءموبيلدى اۋدارىمداردى جاپپاي پايدالانا باستاعانىن اتاپ ءوتتى. سوندىقتان دا وسى ماسەلەنى زاڭنامالىق رەتتەۋ ءۇشىن «موبيلدىك تولەمدەر» جانە «موبيلدىك اۋدارىمدار» ۇعىمدارى ايقىندالدى.
مەملەكەتتىك كىرىستەر دەپارتامەنتى باسشىسىنىڭ ورىنباسارى اتاپ وتكەندەي، ءموبيلدى تولەمدەردى فيسكاليزاسيالاۋ كەز-كەلگەن ادام ءۇشىن جاڭا سالىقتىڭ پايدا بولۋىن بىلدىرمەيدى، تەك بيزنەستىڭ قولدانىستاعى زاڭنامادا قاراستىرىلعان سالىق مىندەتتەمەلەرىن ورىنداۋىنا باعىتتالعان.
«جالپى، موبيلدىك اۋدارىمداردى پايدالانۋعا قاتىستى سالىق زاڭناماسىنا ەنگىزىلگەن تۇزەتۋلەر جەكە تۇلعالاردىڭ موبيلدىك تولەمدەردەن جەكە اۋدارىمدارىن كاسىپكەرلىك ماقساتتا جۇزەگە اسىرىلاتىن موبيلدىك تولەمدەردەن بولۋگە ارنالعان. ولار بيزنەس-قوعامداستىقپەن جانە بانكتەرمەن بىرنەشە رەت تالقىلاندى»، - دەدى ورىنكۇل قازييەۆا.
ول اتالعان باستامالاردىڭ ماقساتى سيفرلىق كەڭىستىكتە بيزنەستى ودان ءارى دامىتۋ بولىپ تابىلاتىنىن جانە قولما-قول ەسەپ ايىرىسۋعا كوشۋ ماقساتتارىن كوزدەمەيتىنىن اتاپ ءوتتى. ال مەملەكەتتىك كىرىستەر ورگاندارىنا دەرەكتەردى بەرۋگە قاتىستى بارلىق الاڭداۋشىلىقتار دا نەگىزسىز.
بانكتەردەن مالىمەتتەر الۋ كاسىپكەرلىك شوتتارعا تۇسەتىن تولەمدەر بويىنشا عانا جۇرگىزىلەتىن بولادى. وسىلايشا، جەكە اۋدارىمدارعا سالىق سالىنبايدى.
موبيلدىك تولەمدەرگە قاتىستى نورمالار 2022 جىلعى 1 ناۋرىزدان باستاپ كۇشىنە ەنەدى.
كاسىپكەرلىك قىزمەت بەلگىلەرى بار ءموبيلدى تولەمدەر بويىنشا دەرەكتەرمەن الماسۋ تەك 2025 جىلدان باستاپ جوسپارلانادى.
ورىنكۇل قازييەۆا ەكىنشى دەڭگەيلى بانكتەر مەن مەملەكەتتىك ورگاندار اراسىندا جاسالعان موبيلدىك اۋدارىمدار تۋرالى اقپارات الماسۋ قالاي جۇرەتىنىن ءتۇسىندىردى. بىرىنشىدەن، دارا كاسىپكەرلەر بويىنشا موبيلدىك تولەمدەر جونىندەگى مالىمەتتەردى ەكىنشى دەڭگەيدەگى بانكتەر مەملەكەتتىك كىرىس ورگاندارىنا: اي سايىن، E-salyk Business سالىق رەجيمىن قولداناتىندار بويىنشا، سونداي-اق قىزمەتتى باسقا سالىق رەجيمدەرىندە جۇزەگە اسىرعان كەزدە جانە وسىنداي مالىمەتتەردى بەرۋگە كەلىسىم بەرگەن كەزدە؛ جىلىنا ءبىر رەت بارلىق دارا كاسىپكەرلەر بويىنشا (پوست-تەرمينالدار بويىنشا مالىمەتتەردى بەرۋگە ۇقساس، قولدانىستاعى نورما) بەرەتىن بولادى.
كاسىپكەرلەر بولىپ تابىلمايتىن جەكە تۇلعالارعا قاتىستى مكك جانە ەكىنشى دەڭگەيدەگى بانكتەر اراسىندا اقپارات الماسۋ ق ر ۇلتتىق بانكىمەن، ق ر قارجى نارىعىن رەتتەۋ جانە دامىتۋ اگەنتتىگىمەن، قازاقستان قارجىگەرلەرىنىڭ قاۋىمداستىعىمەن جانە ەكىنشى دەڭگەيدەگى بانكتەرمەن بىرلەسىپ ازىرلەۋ جوسپارلانىپ وتىرعان كريتەرييلەرگە سايكەس جۇزەگە اسىرىلاتىن بولادى. (مىسالى - ءبىر ادامنىڭ قاتارىنان ءۇش كۇنتىزبەلىك اي ىشىندە اي سايىن 80-100 ادامنان كوپتەگەن اۋدارىمداردى الۋى).
ولشەمدەردى بەكىتۋ جونىندەگى نورماتيۆتىك قۇقىقتىق اكتىنىڭ جوباسى جاريا تالقىلاۋ ءۇشىن «اشىق نقا» پورتالىندا ورنالاستىرىلاتىن بولادى. بۇدان باسقا، مالىمەتتەر الماسۋ جۇرگىزىلەتىن تۇلعالار ساناتتارى جەكە تۇلعالاردىڭ جالپىعا بىردەي دەكلاراسيالاۋعا كىرۋىنە ۇقساس كەزەڭ-كەزەڭىمەن جۇزەگە اسىرىلاتىن بولادى.