«قازگيدرومەت» ماماندارى 2022 جىلعى قاڭتار ايىنا اۋا رايى بولجامىن ۇسىندى
قاڭتار ايىنىڭ باسىندا قازاقستان اۋماعىنىڭ باسىم بولىگىندە جوعارى قىسىم ايماعىنىڭ اسەرى ساقتالادى، وسىعان بايلانىستى ايازدى، بۇلتى از اۋا رايى بولجانادى، دەپ حابارلايدى Almaty-akshamy.kz قازاقپاراتقا سىلتەمە جاساپ.
الايدا ەلىمىزدىڭ باتىس ايماقتارىنا سولتۇستىك سيكلون جىراسىنىڭ تەرەڭدەۋىمەن، جاۋىن-شاشىن، جەلدىڭ كۇشەيۋى، كوكتايعاق بولجانادى. سيكلون جىراسىنىڭ شىعىس باعىتتا ىعىسۋىنا بايلانىستى رەسپۋبليكانىڭ قالعان اۋماعىندا دا اۋا رايىنىڭ سيپاتى تۇراقسىز.
سولتۇستىك وڭىرلەردە بۇرقاسىن، ەكپىندى جەل، وڭتۇستىك وڭىرلەردە جاۋىن-شاشىن (قار مەن جاڭبىر تۇرىندە)، كوكتايعاق جانە تۇمان بولادى. اۋا تەمپەراتۋراسى ەلدىڭ سولتۇستىك جارتىسىندا تۇندە -17-28°س-تان -3-13°س-قا دەيىن، كۇندىز -10-18°س-تان 0،-8°س-قا دەيىن، وڭتۇستىك جارتىسىندا كۇندىز +5+12°س-قا دەيىن، ەلدىڭ باتىسىندا -3+2°س-قا دەيىن بىرتىندەپ جوعارىلايدى.
ءبىرىنشى ونكۇندىكتىڭ ورتاسىندا ەل اۋماعىنا كەزەكتى سۋىق انتيسيكلون اسەر ەتە باستايدى. رەسپۋبليكانىڭ باسىم بولىگىندە جاۋىن-شاشىن توقتايدى جانە اۋا تەمپەراتۋراسى بىرتىندەپ تومەندەيدى. سولتۇستىك-باتىستا، سولتۇستىكتە، ورتالىقتا، ال ءبىرىنشى ونكۇندىكتىڭ سوڭىندا ق ر شىعىسىندا تۇنگى ساعاتتاردا تەرمومەتر باعانى -17-32°س-قا دەيىن، وڭتۇستىك جارتىسىندا -3-13°س-قا دەيىن، باتىسىندا -8-23°س-قا دەيىن تومەندەيدى. مۇنداي اۋا رايى ۇزاققا سوزىلمايدى، ويتكەنى انتيسيكلوننىڭ ورنىنا سكانديناۆيا ايماقتارىنان سيكلون قايتادان اۋىسادى، ونىڭ اسەرىنەن تۇراقسىز اۋا رايى ساقتالادى جانە اياز السىرەيدى. كونسۋلتاتيۆتىك اۋا رايى بولجامىنا سايكەس 2022 جىلعى قاڭتاردىڭ ەكىنشى جانە ءۇشىنشى ونكۇندىگىندە قازاقستاننىڭ باسىم بولىگىندە اۋا رايى ءبىرىنشى ونكۇندىكتەگى سياقتى ءجيى وزگەرەدى.
ايازدى كۇندەر جىلى كۇندەرمەن الماسادى، قار جاۋادى، بۇرقاسىن مەن ەكپىندى جەل بولجانادى، ق ر وڭتۇستىك جارتىسىندا نەگىزىنەن جاۋىن-شاشىن (جاڭبىر، قار)، كوكتايعاق قۇبىلىستارى مەن تۇمان قۇبىلىستارى بولادى. يران اۋداندارىنان رەسپۋبليكانىڭ باسىم بولىگىنە جىلى اۋا ماسسالارى كەلەدى. سونىڭ اسەرىنەن اۋانىڭ ورتاشا ايلىق تەمپەراتۋراسى نورمادان 1-2° جوعارى بولادى. تەك ەلدىڭ سولتۇستىك-باتىس بولىگىنە سيكلوننىڭ بيىك جىراسىنىڭ ءجيى اسەر ەتۋىمەن اۋا تەمپەراتۋراسى كليماتتىق نورما شاماسىندا كۇتىلەدى. جاۋىن-شاشىن مولشەرى رەسپۋبليكا اۋماعىنىڭ باسىم بولىگىندە نورماعا جۋىق. قازاقستاننىڭ سولتۇستىك جارتىسىندا، وڭتۇستىكتىڭ، وڭتۇستىك-شىعىستىڭ، شىعىستىڭ تاۋلى جانە تاۋ بوكتەرىندەگى ايماقتارىندا نورمادان كوپ بولادى دەپ كۇتىلۋدە.
ماڭعىستاۋ وبلىسىنىڭ وڭتۇستىگىندە، قىزىلوردا وبلىسىنىڭ وڭتۇستىك-باتىسىندا نورمادان از. سيكلوندىق ارەكەت جانە انتيسيكلوننىڭ ءجيى اسەرىنەن ءبىر اي ىشىندە اۋا تەمپەراتۋراسىنىڭ اۋىتقۋى بولجانادى: ق ر سولتۇستىك جارتىسى مەن باتىسىندا تۇندە -25-35°س تان -3-13°س-قا دەيىن، كۇندىز -15-25°س تان -5+5°س-قا دەيىن. ق ر وڭتۇستىك جارتىسى مەن وڭتۇستىك-باتىسىندا تۇندە -10-28°س تان -5+5°س-قا دەيىن، كۇندىز -5-10°س تان +5+15°س-قا.