2022 جىلدىڭ 5 قاڭتارىنان باستاپ Covid-19 كوروناۆيرۋس ينفەكسياسىنىڭ تارالۋىنىڭ الدىن الۋ بويىنشا قوسىمشا شارالار شەڭبەرىندە جەكەلەگەن وبەكتىلەردىڭ قىزمەتىنە ەنگىزىلەتىن جاڭا شەكتەۋلەر كۇشىنە ەنەدى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
قازاقستاندا كوروناۆيرۋستىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا مالىمەتىنشە ، ەلىمىزدىڭ باس مەملەكەتتىك سانيتار دارىگەرىنىڭ قاۋلىسىمەن جۇمىس جانە دەمالىس كۇندەرىندە ساۋدا جانە ويىن-ساۋىق ورتالىقتارىنا، ساۋدا ۇيلەرىنە، ساۋدا جەلىلەرىنە (ازىق-تۇلىك ەمەس)، ساۋدا جەلىلەرىنە (ساۋدا الاڭى 6000 شارشى مەتردەن استام)، كاراوكەگە كىرۋگە جۇمىس رەجيمى شەكتەلمەي، قىزمەتكەرلەر مەن كەلۋشىلەردە ءقاۋىپسىز «جاسىل» مارتەبە (ۆاكسينالاۋ، سىناما الىنعان ساتتەن باستاپ 7 كۇننەن اسپايتىن تەرىس ناتيجەسى بار پتر تەستى، تۇراقتى مەديسينالىق قارسى كورسەتىلىمدەرى بار، سوڭعى 3 اي ىشىندە اۋىرىپ ساۋىققان ادامدار) بولعان جاعدايدا رۇقسات ەتىلەدى.
قابىلدانعان شارالار كوروناۆيرۋستىڭ "وميكرون" ءتۇرىنىڭ تارالۋ جانە جۇعۋ جىلدامدىعىنا نەگىزدەلگەن، ول ءقازىردىڭ وزىندە الەمنىڭ 110 ەلىنن تابىلدى، ال 30 قاراشادا ول نەبارى 10 ەلدەن شىققان بولاتىن.
وميكرون شتامىنىڭ تارالۋى ءبىرقاتار ەلدەردىڭ دەنساۋلىق ساقتاۋ جۇيەسىنىڭ شامادان تىس جۇكتەلۋىن تۋدىرىپ وتىر.
وسىعان بايلانىستى قابىلدانىپ وتىرعان شارالار ەپيدەميولوگيالىق جاعدايدىڭ تۇراقتىلىعىن ساقتاۋعا، اۋرۋلار سانىنىڭ ءوسۋ ءقاۋپىن ازايتۋعا، نەعۇرلىم قاتاڭ شەكتەۋ شارالارىن ەنگىزۋگە جول بەرمەۋگە باعىتتالعان.
كوروناۆيرۋستىڭ بۇل ءتۇرىنىڭ جۇقپالىلىعى دەلتا نۇسقاسىنا قاراعاندا 5 ەسە جوعارى ەكەنىن ەستە ساقتاۋ كەرەك، قايتا جۇقتىرۋ ءقاۋپى جوعارى.
دۇنيەجۇزىلىك دەنساۋلىق ساقتاۋ ۇيىمىنىڭ بولجامى بويىنشا اۋرۋ بىرنەشە ايدىڭ ىشىندە بۇكىل الەمگە تارالۋى مۇمكىن.