الماتى قالاسىندا ءبىر تاۋلىكتە 3138 ادام كوروناۆيرۋسقا قارسى ۆاكسينا سالدىردى، دەپ حابارلايدى اlmaty-akshamy.kz قالالىق قوعامدىق دەنساۋلىق ساقتاۋ باسقارماسىنا سىلتەمە جاساپ.
«30 جەلتوقسان كۇنى 3138 الماتىلىق ۆاكسينا سالدىردى. ۆاكسينا سالدىرعاندار سانى بويىنشا الماتى قالاسى الدىڭعى ورىندا. بيىلعى جىلدىڭ 1 اقپانى مەن 30 جەلتوقسان ارالىعىندا قالادا 1 049 774 تۇرعىن ۆاكسينانىڭ ءبىرىنشى كومپونەنتىن،1011 684 ادام ەكىنشى كومپونەنتىن سالدىرعان. ونىڭ ىشىندە 123 372 ادامنىڭ جاسى 60-تان اسقان»، - دەپ حابارلادى باسقارمادان.
بۇگىنگى تاڭدا Pfizer (Comirnaty) كومپانياسىنىڭ ەكپەسىن 30 224 ادام سالدىردى. ونىڭ ىشىندە 1 669 جۇكتى ايەل، 6054 بالا ەمىزەتىن انا جانە 22 501 ءجاسوسپىرىم بار. ريەۆاكسيناسيادان 6559 الماتىلىق ءوتتى. قالادا 132 پۋنكت جۇمىس ىستەپ تۇر. 756 ادامنان تۇراتىن 201 ەگۋ بريگاداسى بار.
«ءقازىر مەديسينا ۇيىمدارىندا، مەكتەپتەردە، مادەنيەت، سپورت وبەكتىلەرىندە، بازارلار مەن قالانىڭ سوسو-دا ۆاكسيناسيا پۋنكتى جۇمىس ىستەيدى»، - دەپ ناقتىلادى دەنساۋلىق ساقتاۋ باسقارماسىنىڭ باسپا ءسوز قىزمەتى.