شاعىن جانە ورتا بيزنەستى قولداۋعا 45 ملرد تەڭگەنىڭ قولداۋى كورسەتىلمەك.
ق ر قارجى ءمينيسترىنىڭ ورىنباسارى تاتيانا ساۆەليەۆا قاڭتار وقيعاسىندا زارداپ شەككەن شاعىن جانە ورتا بيزنەس سۋبەكتىلەرىن قولداۋعا بولىنەتىن قاراجاتتىڭ مولشەرى ناقتىلانعانىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«قاڭتار وقيعاسىنىڭ سالدارىن جويۋعا 31 ملرد تەڭگە باعىتتالدى. ونىڭ ىشىندە الماتى قالاسى مەن وزگە وڭىرلەردە زارداپ شەككەن شاعىن جانە ورتا بيزنەس سۋبەكتىلەرىنە 21 ملرد تەڭگە قاراستىرىلعان»، - دەدى تاتيانا ساۆەليەۆا پارلامەنتتە جاڭا زاڭ جوباسىن تانىستىرۋ كەزىندە.
ايتۋىنشا، جالپى بيىل شاعىن جانە ورتا بيزنەستى قولداۋعا 45 ملرد تەڭگەنىڭ قولداۋى كورسەتىلمەك. ونىڭ 24 ملرد تەڭگەسى بۇگىنگە دەيىن ۇكىمەت رەزەرۆىنەن ءبولىنىپ قويعان.
«زاقىمدالعان اكىمشىلىك، الەۋمەتتىك، كوممۋنالدىق نىسانداردى، ينفراقۇرىلىمداردى قالپىنا كەلتىرۋگە 10 ملرد تەڭگە باعىتتاۋ ۇسىنىلادى. يندۋستريا جانە ينفراقۇرىلىمدىق دامۋ مينيسترلىگىنىڭ مالىمەتىنشە، ينفراقۇرىلىمدى قالپىنا كەلتىرۋگە جالپى جيىنى 22 ملرد تەڭگە قاجەت. ونىڭ 12 ملرد تەڭگەسى ۇكىمەت رەزەرۆىنەن بۇعان دەيىن بولىنگەن. قالعان 37 ملرد تەڭگە ۇكىمەت رەزەريەۆىندە قاراستىرىلعان. قۇجاتتار دايىن بولعاندا بولىنەدى. الماتى قالاسىنداعى پرەزيدەنت رەزيدەنسياسى مەن عيماراتتاردى سۇرۋگە 6 ملرد تەڭگە ءبولۋ جوسپارلانعان»، - دەدى ۆيسە-مينيستر.
ايتا كەتەيىك، بۇعان دەيىن ق ر ۇلتتىق ەكونوميكا ءمينيسترى الىبەك قۋانتىروۆ جۋرناليستەرگە ۇلتتىق قوردان كەپىلدەندىرىلگەن ترانسفەرتتى ناقتىلاۋ نە ءۇشىن قاجەت بولعانىن تۇسىندىرگەن بولاتىن.