كەرەمەت جەكپە-جەك بولادى.
قازاقستاندىق بوكسشى گەنناديي گولوۆكين مەن جاپوندىق ريوتا مۋراتا الداعى جەكپە-جەكتىڭ الدىندا ءبىرىنشى رەت بەتپە-بەت كەزدەستى. ولار ورتا سالماقتاعى IBF، WBA Super جانە IBO الەم چەمپيونى تيتۋلدارى ءۇشىن جۇدىرىق تۇيىستىرەدى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«ماعان بەرىلگەن مۇمكىندىك ءۇشىن العىس ايتامىن. جاپونيادا جۇرگەنىم - مەن ءۇشىن زور عانيبەت. مۋراتامەن كەزدەسكەنىمە جانە تيتۋلدىق ايقاسىمىز وتەتىنىنە قۋانىشتىمىن. ريوتانى تۇلعا رەتىندە قاتتى قۇرمەتتەيمىن. جەكپە-جەك الدىندا ۋاقىتىمىز كوپ بولدى، سوندىقتان ەكەۋمىز دە جاقسى دايىندالدىق. كەرەمەت جەكپە-جەك بولادى. الەمدەگى جاعداي ءقازىر شىنىندا كۇردەلى. مۇنداي شارانى ۇيىمداستىرۋعا قانداي كۇش-قۋات كەرەك ەكەنىن تۇسىنەمىن. پروموۋتەرلەر مەن جاپونيا ۇكىمەتىنە وسى شوۋدىڭ وتكىزىلۋىنە قولداۋ بىلدىرگەندەرى ءۇشىن راحمەت ايتامىن. وسى كەزدەسۋدى كوپتەن كۇتكەندەردىڭ ءۇمىتىن اقتايتىنداي جەكپە-جەك وتكىزگىم كەلەدى»،- دەدى گەنناديي گولوۆكين توكيوداعى ب ا ق وكىلدەرىنە بەرگەن باسپا ءسوز ءماسليحاتىندا.
شارا بارىسىندا بوكسشىلار بەلبەۋلەرىن كورسەتىپ، سۋرەتكە ءتۇستى. گەنناديي الەۋمەتتىك جەلىدەگى پاراقشالارىندا شارادان بەينەتۇسىرىلىم جاريالادى.
ەسكە سالايىق، گەنناديي گولوۆكين - ريوتا مۋراتا جەكپە-جەگى 9 ساۋىردە سايتامادا وتەدى. بۇل جاپونيانىڭ بوكس تاريحىنداعى ەڭ اۋقىمدى وقيعا بولماق. جەرگىلىكتى حالىق گولوۆكيندى ىستىق ىقىلاسپەن قارسى العانىن ەسكە سالامىز.
ايتۋلى شوۋدى «Qazsport» جانە «Qazaqstan» تەلەارنالارى تىكەلەي ەفيردەن كورسەتەدى.