ق ر ىشكى ىستەر مينيسترلىگىنىڭ تەرگەۋ دەپارتامەنتىنىڭ باستىعى سانجار ءادىلوۆ قاڭتار وقيعاسى بويىنشا 150 ادام اۋىر قىلمىس جاسادى دەگەن كۇدىككە ىلىنگەنىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«بۇگىنگى تاڭدا ىشكى ىستەر ورگاندارى تەرگەۋشىلەرىنىڭ وندىرىسىندە بۇرىن قابىلدانعان شەشىمدەردى قوسپاعاندا، 1150 قىلمىستىق ءىس بار. ولاردىڭ نەگىزگى بولىگىن ۇرلىق قىلمىسى قۇرايدى – 157. قارۋدىڭ زاڭسىز اينالىمى بويىنشا 146، قاساقانا بوتەننىڭ مۇلكىن ءبۇلدىرۋ بويىنشا 23 ءىس بار.وسى ىستەر بويىنشا 150 ادام اۋىر قىلمىس جاسادى دەگەن كۇدىكپەن كۇزەتپەن ۇستالۋدا»، - دەدى تەرگەۋ داپارتامەنتىنىڭ باستىعى.
ونىڭ سوزىنە قاراعاندا، كۇدىكتىلەردىڭ كىناسى قىلمىس جاسالعان ورىنداردان الىنعان بەينەجازبالارمەن، وقيعانى كوزبەن كورگەن كۋاگەرلەردىڭ مالىمەتىمەن، الىنعان زاتتارمەن دالەلدەنىپ جاتىر.
«جاقىن ارادا قىلمىستىق پروسەستىڭ ءۇش بۋىندى مودەلى شەڭبەرىندە جانە پروكۋرورلارمەن كەلىسۋ بويىنشا وسى قىلمىستىق ىستەر بويىنشا تۇبەگەيلى پروسەستىك شەشىمدەردى قابىلداۋ جوسپارلانۋدا. سونىمەن بىرگە جەدەل جانە ساپالى تەرگەۋدىڭ ناتيجەسىندە ءبىزدىڭ تەرگەۋشىلەر 473 ايىپتالۋشىعا قاتىستى 288 قىلمىستىق ءىستى ايىپتاۋ اكتىسىمەن اياقتاپ، سوتقا جولدادى» ، - دەدى سانجار ءادىلوۆ.
بۇعان دەيىن ق ر ءىىم تەرگەۋ دەپارتامەنتىنىڭ باسشىسى سانجار ءادىلوۆ قاڭتار وقيعاسى كەزىندە، اسىرەسە، ءۇش وڭىردە نىساندار قاتتى تونالعانىن ايتقان ەدى.