ءىت سالاسىنداعى حاكاتونعا ورتالىق ازيانىڭ قىزدارى قاتىسا الادى

ءىت ماماندارعا ارنالعان بىرەگەي الاڭ – حاكاتون ەندى ورتالىق ازيادان شىققان ونەرتاپقىش قىز-كەلىنشەكتەرگە اشىق.

ءقازىر جوباعا قاتىسۋشىلاردان ءوتىنىش قابىلدانىپ جاتىر. 23 مامىرعا دەيىن قازاقستان، قىرعىزستان، وزبەكستان، تۇركىمەنستان مەن تاجىكستان ەلىنىڭ ماماندارى ايتۋلى جوبالار الاڭىنا ءوز ونىمدەرىن ۇسىنا الادى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

"كاسىپكەرلىك، ۆەنچۋرلىق ينۆەستيسيالار سالاسىندا ءاربىر ەل جەكە-جەكە تارتىمدى بولا المايدى. باسقا دا ايماقتاردى بىرىكتىرە وتىرىپ، ستارتاپتاردىڭ ۇلكەن كولەمى پايدا بولادى. سونىڭ ارقاسىندا ءبىز ەلدەرىمىزدى ينۆەستيسيا ءۇشىن تارتىمدى ەتە الامىز. ونىمەن قوسا ورتالىق ازيا ەلدەرىنىڭ بارلىعىن قامتيتىن ەكوجۇيە قۇرعىمىز كەلەدى. ءبىزدىڭ ەلدەردە حالىق سانى از، سوندىقتان ستارتاپتاردىڭ پايدا بولۋ ىقتيمالدىعى دا الدەقايدا تومەن"، - دەيدى بيزنەس-ينكۋباتوردىڭ اتقارۋشى  ديرەكتورى انۋار لەنزات.

وتىنىمدەردى جيناۋ بارىسىندا بىرنەشە جوبا بايقاۋ ۇيىمداستىرۋشىلارىنىڭ كوڭىلىنەن شىقتى. ونىڭ ىشىندە قازاقستاندىق ازىرلەمە دە بار.

"بۇگىنگى تاڭدا كوپتەگەن ايتي ستارتاپتاردى جاساپ جاتقان  ەر- ازاماتتار، ياعني بۇل سالادا ولاردىڭ سانى باسىم. ءبىز بۇل ترەندتى ءسال وزگەرتكىمىز كەلەدى. قىز-كەلىنشەكتەر دە اۋقىمدى جوبالار ويلاپ تاۋىپ، باتىس ەلدەرى، دامىعان مەملەكەتتەردەگىدەي ينۆەستيسيا تارتا الادى دەپ ويلايمىز. ولار كوماندانىڭ، ستارتاپتىڭ نەگىزىن قالاۋشى بولعانى ءجون. ياعني، مۇندا ەڭ باستىسى قىز-كەلىنشەكتەردىڭ يدەيا گەنەراتورى بولۋىندا"، - دەيدى بيزنەس-ينكۋباتوردىڭ اتقارۋشى  ديرەكتورى انۋار لەنزات.

27-29 مامىردا ونلاين فورماتتا وتەتىن بايقاۋدا نازىك جاندىلار الەۋمەتتىك جانە ەكونوميكالىق ماسەلەلەردى شەشەتىن ونىمدەردىڭ پروتوتيپتىك ۇلگىلەرىن جاساي الادى. بايقاۋ قورىتىندىسى بويىنشا، جەڭىمپازدار اقشالاي سىيلىقتان بولەك، ستارتاپ اكسەلەراتورىنا تەگىن قول جەتكىزە الادى.