ق ر باس سانيتار دارىگەرىنىڭ كوروناۆيرۋس ينفەكسياسىنا قارسى قايتا ۆاكسينالاۋعا رۇقسات بەرەتىن قاۋلىسى شىقتى، دەپ حابارلايدى اlmaty-akshamy.kz.
اتاپ ايتساق، ق ر باس سانيتار دارىگەرىنىڭ 2022 جىلعى 13 قاڭتارداعى №2 قاۋلىسىنا وزگەرىس ەنگىزىلىپ وتىر.
«كۆي-گە قارسى، ونىڭ ىشىندە دۇنيەجۇزىلىك دەنساۋلىق ساقتاۋ ۇيىمى ماقۇلداعان ۆاكسينالارمەن ۆاكسيناسيالاۋدىڭ تولىق كۋرسىن قايتا جۇرگىزۋگە جول بەرىلەدى. كۆي-گە قارسى ۆاكسيناسيالاۋدىڭ تولىق كۋرسىن قايتا جۇرگىزۋگە ەگىلەتىن ادامنىڭ نەمەسە ونىڭ زاڭدى وكىلدەرىنىڭ پروفيلاكتيكالىق ەگۋلەردىڭ قايتالاما كۋرسىن جۇرگىزۋگە ەرىكتى تۇردە حاباردار ەتىلگەن كەلىسىمىن العاننان كەيىن عانا وسى الگوريتمگە 1-قوسىمشاعا سايكەس نىسان بويىنشا جازباشا تۇردە جول بەرىلەدى»، - دەپ جازىلعان قۇجاتتا.
قۇجاتقا سايكەس، كوروناۆيرۋسقا قارسى تولىق قايتا ۆاكسينالاۋدان ءوتۋ ءۇشىن الدىڭعى ەكپە العان كۇننەن كەيىن كەمىندە 3 اي ۋاقىت ءوتۋى كەرەك.
قاۋلىنىڭ تولىق ءماتىنىن مىنا جەردەن كورۋگە بولادى.
1 مامىرداعى دەرەككە سايكەس، ەلىمىزدە كوروناۆيرۋسقا قارسى ۆاكسينالاۋدىڭ تولىق كۋرسىن 9 246 600 ادام الدى. ق ر دەنساۋلىق ساقتاۋ ءمينيسترى اجار عينياتتىڭ مالىمەتى بويىنشا، ريەۆاكسينالاۋدان 2،4 ملن ادام وتكەن.