قاڭتار وقيعاسىنان كەيىن مەملەكەتتەن وتەماقى العان كاسىپكەرلەر سالىق تولەمەيدى

مەملەكەتتەن وتەماقى العان قازاقستاندىق كاسىپكەرلەر تابىس سالىعىن تولەۋدەن بوساتىلادى.

اتالعان شارا قاڭتار وقيعاسى كەزىندە شىعىنعا ۇشىراعان كاسىپكەرلەرگە قولدانىلادى. بۇل تۋرالى مەملەكەتتىك كىرىستەر كوميتەتى ءمالىم ەتتى، دەپ حابارلايدى Almaty-akshamy.kz Qazaqtv.com سايتىنا سىلتەمە جاساپ.

ناقتىلاساق، شاعىن جانە ورتا بيزنەس وكىلدەرى جىلدىق تابىستارىنان توتەنشە جاعداي كەزىندە كەلتىرىلگەن زالالدى وتەۋ ءۇشىن مەملەكەتتىك قازىنادان العان قاراجاتتارىن الىپ تاستاۋعا قۇقىلى. ارينە، بۇل جەردە سۋبەكت اكىمدىك قۇرعان كوميسسيانىڭ تىزىمىنە ەنگىزىلگەن جانە ءتيىستى شەشىمى شىعارىلعان بولسا عانا تۇزەتۋ جاساي الادى. كاسىپكەرلەر بارلىق وتەماقى تولەمدەرىن سالىق دەكلاراسياسىندا كورسەتۋگە مىندەتتى ەكەنىن ايتا كەتكەن ءجون.

  «سونداي-اق، ەگەر شاعىن جانە ورتا بيزنەس سۋبەكتىلەرى كوميسسيانىڭ شەشىمى بويىنشا تج كەزىندە تاۋارلاردىڭ ءبۇلىنۋى نەمەسە جوعالۋى سالدارىنان مۇلىكتىك زياندى وتەۋگە اقشا السا، وندا اقشا الۋشى بۇرىن وسىنداي تاۋارلار بويىنشا ەسەپكە جاتقىزىلعان قوسىمشا قۇن سالىعىنىڭ سوماسىنا تۇزەتۋدى كورسەتۋى ءتيىس. بۇل تۇزەتۋدى  سالىق تولەۋشى مىندەتتى تۇردە ققس دەكلاراسياسىندا كورسەتۋى كەرەك»، - دەيدى ق ر قم مەملەكەتتىك كىرىستەر كوميتەتى باسقارما باسشىسىنىڭ ورىنباسارى اينۇر سارتايەۆا.