ق ر باس پروكۋراتۋراسىنىڭ مالىمەتىنشە، 2022 جىلعى قاڭتار وقيعاسى ءۇشىن 1396 ادام سوتتالعان.
باس پروكۋراتۋرا تەرگەۋ ءالى دە ءجۇرىپ جاتقانىن حابارلادى.
"قاڭتار وقيعاسىن تەرگەپ-تەكسەرۋ جالعاسىپ جاتقانىن حابارلايمىز. سوندىقتان ق ر قىلمىستىق ءىس جۇرگىزۋ كودەكسىنىڭ 201-بابىنىڭ تالابىنا ساي، اقپارات جاريالانبايدى. وسى وقيعالارعا قاتىسى بار-جوعى تۋرالى جەتكىلىكتى دالەلدەر الىنعان تۇلعالار قىلمىستىق جاۋاپكەرشىلىككە تارتىلىپ، بۇگىنگە دەيىن 1396 ادام سوتتالدى"، - ق ر باس پروكۋراتۋراسى حابارلاماسىندا.
جاپپاي تارتىپسىزدىكتەرگە قاتىسقانى جانە ونى ۇيىمداستىرعانى ءۇشىن 574 ادام، ونىڭ 12ء-سى جاپپاي تارتىپسىزدىكتى ۇيىمداستىرعانى ءۇشىن سوتتالدى.
سونىمەن قاتار پروكۋراتۋرا قايعىلى وقيعالار اياسىندا 2960 قارۋ ۇرلانعانىن، ونىڭ 1 مىڭنان استامى تابىلعانىن، قالعان قارۋ-جاراق ءالى ىزدەستىرىلىپ جاتقانىن حابارلادى.