زاڭ مەن قۇقىقتىق ءتارتىپتى، سونداي-اق قۇقىق بۇزۋشىلىقتارعا مۇلدەۋ توزبەۋدى قامتاماسىز ەتۋ ماسەلەسى ءىىم-نىڭ ءجىتى نازارىندا. جىل باسىنان بەرى ىشكى ىستەر ورگاندارىمەن 140 مىڭعا جۋىق اكىمشىلىك قۇقىق بۇزۋشىلىقتىڭ جولى كەسىلدى، – دەپ حابارلايدى Polisia.kz
سونىمەن قاتار قوعامدىق كولىكتەگى بۇزۋشىلىقتاردىڭ جيىلەنۋىنە بايلانىستى مينيسترلىكپەن ەل اۋماعىندا “تاسىمالداۋشى” رەيدتىك پروفيلاكتيكالىق ءىس-شاراسى جۇرگىزىلىپ جاتىر.
شارانىڭ نەگىزگى ماقساتى – جۇرگىزۋشىلەر مەن جولاۋشىلاردىڭ قاۋىپسىزدىگىن قامتاماسىز ەتۋ.
– وسى ماقساتتا پوليسيا كولىكتىك كاسىپورىنداردىڭ باسشىلارىمەن كەڭەستەر وتكىزدى، وندا اۆتوبۋستاردى بەينەباقىلاۋ كامەرالارىمەن، 102 كانالىنا شىعاتىن دابىل نۇكتەلەرىمەن جابدىقتاۋ ماسەلەلەرى كوتەرىلدى. قازىرگى ۋاقىتتا بەينەباقىلاۋ كامەرالارىمەن 5 700-دەي اۆتوبۋس جابدىقتالعان، ونىڭ 900-ىندە بەينەنى ونلاين-قاراۋ مۇمكىندىگى بار، – دەدى ق ر ءىىم اكىمشىلىك پوليسيا كوميتەتى باسقارما باستىعىنىڭ ورىنباسارى ايدىن ورازبايەۆ.
پروفيلاكتيكالىق ءىس-شارانىڭ ءبىرىنشى كۇنى قوعامدىق كولىكتەردە جاسالعان 200-دەن استام قۇقىق بۇزۋشىلىق انىقتالدى، ونىڭ ىشىندە:
– مۇلىكتى قاساقانا جويۋ جانە ءبۇلدىرۋ؛
– سپيرتتىك ىشىمدىكتەردى ءىشۋ جانە ماس كۇيىندە ءجۇرۋ؛
– بەلگىلەنبەگەن ورىنداردا تەمەكى شەگۋ؛ – ۇساق بۇزاقىلىق؛
– ورتاق پايدالانۋ ورىندارىن لاستاۋ جانە باسقالارى بار.
قوعامدىق كولىكتەردە قاۋىپسىزدىكتى قامتاماسىز ەتۋ بويىنشا جۇمىستار تۇراقتى تۇردە جۇرگىزىلەتىن بولادى.
وسىعان بايلانىستى پوليسيا ازاماتتاردان قانداي دا ءبىر قۇقىق بۇزۋشىلىقتىڭ كۋاگەرى بولعان جاعدايدا دەرەۋ 102-گە حابارلاۋدى سۇرايدى.