جاقسى مىنەز-قۇلىق جانە زالالدى وتەگەنىن ەسكەرىپ، 323 كۇدىكتى قاماۋدان بوساتىلدى
كوپتەگەن كۇدىكتىلەر قۇرمەتتى ازاماتتار بولا وتىرىپ، وقيعالار كەزىندە ولار تەز پايدا تابۋعا نەمەسە باسقالاردىڭ سەنۋىنە ازعىرىلىپ، نازاردان تىس قالامىز دەپ ۇمىتتەنىپ، قىلمىس جاسادى.
بۇل تۋرالى ورتالىق كوممۋنيكاسيالار قىزمەتىندە وتكەن قاڭتار وقيعاسى، تەرگەۋ بارىسى تۋرالى بريفينگ بارىسىندا ق ر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ مالىمدەدى، دەپ حابارلايدى Almaty-akshamy.kz
وسىعان بايلانىستى، ولاردىڭ جەكە باسىن، وڭ مىنەزدەمەلەرىن جانە زالالدى وتەۋدى ەسكەرە وتىرىپ، بۇلتارتپاۋ شاراسىنىڭ وزگەرۋىمەن 323 كۇدىكتى قاماۋدان بوساتىلدى (كەپىل - 78، ەشقايدا كەتپەۋ تۋرالى قولحات - 67، ءۇيقاماق - 96، جەكە كەپىلگەرلىك – 11، سوت ۇكىمدەرى بويىنشا – 71).
وسىعان ۇقساس نەگىزدەر بويىنشا سوتتار قارالعان قىلمىستىق ىستەر بويىنشا دا ايىپتالۋشىلاردىڭ كوپشىلىگى باس بوستاندىعىنان ايىرۋدى كوزدەمەيتىن جازالاۋ شارالارىنا سوتتالعان، ال بۇل 214 ادامنىڭ ىشىندە 194ء-ىن قامتىدى.
سونىمەن قاتار، تاعى 6 ادامعا قاتىستى قىلمىستىق ىستەر تاراپتاردىڭ تاتۋلاسۋىنا بايلانىستى توقتاتىلدى.